దర్శకధీరుడు ఎస్‌.ఎస్‌.రాజమౌళి ప్రతిష్ఠాత్మకంగా తెరకెక్కిస్తున్న చిత్రం ‘ఆర్.ఆర్.ఆర్’. యంగ్ టైగర్ ఎన్టీఆర్ - మెగా పవర్ స్టార్ రామ్ చరణ్ కలిసి నటిస్తున్న ఈ భారీ మల్టీస్టారర్ ని దసరా కానుకగా అక్టోబర్ 13న ప్రేక్షకుల ముందుకు తీసుకురానున్నారు. ఇందులో అల్లూరి సీతారామరాజుగా చరణ్.. కొమరం భీమ్‌గా తారక్ నటిస్తున్నారు. ఈ సినిమాకు సంబంధించిన అప్‌డేట్స్ కోసం అభిమానులు ఎంతో ఆసక్తిగా ఎదురుచూస్తున్నారు. ఈ నేపథ్యంలో ట్రిపుల్ ఆర్ తాజాగా ఓ కొత్త పోస్టర్ ని విడుదల చేశారు.
నేడు ఉగాది పండుగను పురస్కరించుకుని రిలీజ్ చేసిన ఈ పోస్టర్ ఫెస్టివల్ మూడ్ కి తగ్గట్టుగా ఉంది. రామరాజు - భీమ్ ఇద్దరూ సంబరాల్లో మునిగిపోయినట్లు కనిపిస్తోంది. ఇందులో తారక్ పంచెకట్టులో.. చరణ్ ప్యాంటు షర్ట్ ధరించి చిరునవ్వులు చిందిస్తున్నారు. ఇది సినిమాలో సాంగ్ లో వచ్చే స్టిల్ అనిపిస్తోంది. గతేడాది ఉగాదికి టైటిల్ మరియు మోషన్‌ పోస్టర్ ను వదిలిన RRR టీమ్.. ఈ ఏడాది పండుగను కొత్త పోస్టర్ తో స్పెషల్ గా మార్చింది.
కాగా, ‘ఆర్.ఆర్.ఆర్’ సినిమాని నిర్మాత డీవీవీ దానయ్య భారీ బడ్జెట్ తో నిర్మిస్తున్నారు. అలియా భట్‌ - ఒలీవియా మోరిస్‌ కథానాయికలుగా నటిస్తున్నారు. అజయ్ దేవగన్ - శ్రియా - సముద్రఖని ఇతర ప్రధాన పాత్రలు పోషిస్తున్నారు. కీరవాణి సంగీతం సమకూరుస్తుండగా.. సెంథిల్ కుమార్ సినిమాటోగ్రఫీ అందిస్తున్నారు. పాన్ ఇండియా స్థాయిలో విడుదల కానున్న ఈ సినిమాపై భారీ అంచనాలు నెలకొన్నాయి.
నేడు ఉగాది పండుగను పురస్కరించుకుని రిలీజ్ చేసిన ఈ పోస్టర్ ఫెస్టివల్ మూడ్ కి తగ్గట్టుగా ఉంది. రామరాజు - భీమ్ ఇద్దరూ సంబరాల్లో మునిగిపోయినట్లు కనిపిస్తోంది. ఇందులో తారక్ పంచెకట్టులో.. చరణ్ ప్యాంటు షర్ట్ ధరించి చిరునవ్వులు చిందిస్తున్నారు. ఇది సినిమాలో సాంగ్ లో వచ్చే స్టిల్ అనిపిస్తోంది. గతేడాది ఉగాదికి టైటిల్ మరియు మోషన్‌ పోస్టర్ ను వదిలిన RRR టీమ్.. ఈ ఏడాది పండుగను కొత్త పోస్టర్ తో స్పెషల్ గా మార్చింది.
కాగా, ‘ఆర్.ఆర్.ఆర్’ సినిమాని నిర్మాత డీవీవీ దానయ్య భారీ బడ్జెట్ తో నిర్మిస్తున్నారు. అలియా భట్‌ - ఒలీవియా మోరిస్‌ కథానాయికలుగా నటిస్తున్నారు. అజయ్ దేవగన్ - శ్రియా - సముద్రఖని ఇతర ప్రధాన పాత్రలు పోషిస్తున్నారు. కీరవాణి సంగీతం సమకూరుస్తుండగా.. సెంథిల్ కుమార్ సినిమాటోగ్రఫీ అందిస్తున్నారు. పాన్ ఇండియా స్థాయిలో విడుదల కానున్న ఈ సినిమాపై భారీ అంచనాలు నెలకొన్నాయి.