ఆర్ఆర్ఆర్ అప్డేట్స్.. వీడియో షేర్ చేసిన రాజమౌళి బృందం!

దర్శకధీరుడు రాజమౌళి ప్రతిష్టాత్మక చిత్రం ఆర్ఆర్ఆర్ రూపొందించే పనిలో బిజీగా ఉన్నాడు. పాన్ ఇండియా మూవీగా తెరకెక్కిస్తున్న ఈ సినిమాలో యంగ్ టైగర్ ఎన్టీఆర్, మెగాపవర్ స్టార్ రాంచరణ్ కథానాయకులుగా నటిస్తున్నారు. ఇండియన్ హిస్టోరికల్ హీరోస్ లైఫ్ నేపథ్యంలో రెడీ అవుతున్న ఈ సినిమాలో ఎన్టీఆర్ కొమరం భీమ్ పాత్రలో నటిస్తుండగా, రాంచరణ్ అల్లూరి సీతారామరాజు పాత్రలో కనిపించనున్నాడు. అయితే రోజురోజుకి ఆర్ఆర్ఆర్ సినిమా పై ప్రేక్షకులలో అంచనాలు పెరిగిపోతున్నాయి. ఎందుకంటే తాజాగా ఈ సినిమా విడుదల తేదీని ప్రకటించి సర్ప్రైజ్ ఇచ్చింది రాజమౌళి బృందం. ఈ ఏడాది దసరా కానుకగా ఆర్ఆర్ఆర్ మూవీని అక్టోబర్ 13న విడుదల చేయనున్నట్లు అధికారికంగా ప్రకటించారు. అయితే ఈ సినిమా విడుదల తేదీ ప్రకటించినప్పటి నుండి ఆర్ఆర్ఆర్ కోసం దేశవ్యాప్తంగా ఫాన్స్ ఉత్సాహంగా ఎదురుచూస్తున్నారు.

ఈ సినిమాలో చరణ్‌కు జోడీగా బాలీవుడ్ హీరోయిన్ అలియా భట్, ఎన్టీఆర్ జోడీగా ఒలీవియా మోరిస్ నటిస్తోంది. ఇప్పటికే ఆర్ఆర్ఆర్ నుండి విడుదలైన మోషన్ పోస్టర్స్, ఇంట్రడక్షన్ ప్రోమో వీడియోస్ సినిమా పై విపరీతంగా బజ్ క్రియేట్ చేసేసాయి. తాజాగా సినిమాకి సంబంధించిన ఓ వార్త సోషల్ మీడియాలో హల్చల్ చేస్తోంది. ప్రస్తుతం ఆర్ఆర్ఆర్ క్లైమాక్స్ షూటింగ్ జరుగుతుందనే సంగతి తెలిసిందే. తాజాగా ఆర్ఆర్ఆర్ బృందం షూటింగ్ స్పాట్ నుండి ఓ వీడియో పోస్ట్ చేసింది. ఆ వీడియోలో రాంచరణ్ పై సీన్ షూట్ చేస్తున్నట్లుగా అనిపిస్తుంది. నీటిలో నిప్పు అంటూ షూట్ చేస్తున్న ఆ సన్నివేశం ప్రస్తుతం వీడియో షేర్ చేయడంతో సోషల్ మీడియాలో ఫుల్ వైరల్ అవుతోంది. ఇదిలా ఉండగా.. ఈ సినిమాలో బాలీవుడ్ యాక్టర్ అజయ్ దేవగన్ రాంచరణ్, ఎన్టీఆర్ లకు గురువుగా నటిస్తున్నట్లు తెలుస్తుంది. అయితే అజయ్ దేవగన్ హీరోగా నటించిన మైదాన్ మూవీని కూడా అక్టోబర్ నెలలోనే విడుదల చేయబోతున్నట్లు ఇదివరకే ప్రకటించారు. అయితే ప్రస్తుతం ఇండస్ట్రీలో ఈ రెండు సినిమాల గురించి చర్చ నడుస్తోంది. అక్టోబర్ 13న ఆర్ఆర్ఆర్, అక్టోబర్ 15న మైదాన్ విడుదలకు సిద్ధం అవుతున్నాయి. చూడాలి మరి ఎన్టీఆర్, రాంచరణ్ ల ఫైట్ సీక్వెన్స్ ఎలా ఉండబోతుందో..!