బోయపాటి సినిమా.. క్యాన్సిలైందా??

ఒక ప్రక్కన మెగా పవర్ స్టార్ రామ్ చరణ్‌ రాజమండ్రిలో షూటింగ్ చేస్తుంటే.. ఆయన అభిమానులు మాత్రం వేరే సినిమా న్యూస్ కోసం చాలా ఆసక్తికరంగా వెయిట్ చేస్తున్నారు. అదే.. దర్శకుడు బోయపాటి డైరక్షన్ లో చేయనున్న ప్రాజెక్టు గురించే. ఎందుకంటే ఈ సినిమా కథపై ఇప్పటికే చాలా రూమర్లు వచ్చేయడంతో.. అసలు చెర్రీ ఎలాంటి డెసిషన్ తీసుకుంటాడు అనే ఆతృత అభిమానులకు న్యాచురల్ గానే ఉంటుంది.

నిజానికి బన్నీ ఎప్పుడైతే నా పేరు సూర్య టీజర్ ను రిలీజ్ చేశాడో .. ఇక అప్పటినుండి రామ్ చరణ్‌ కూడా అలాంటి ఇంటెన్స్ రోల్ ధృవ తరువాత మళ్లీ చేస్తే బాగుండు అని చాలామంది అభిమానులు అనుకుంటున్నారు. ఒక ప్రక్కన బోయాపటి శ్రీను అలాంటి ఇంటెన్స్ సీన్లను ఏదో కాసేపు చూపించి.. సెంటిమెంటుతో సీన్లను నింపేస్తాడే కాని.. కథ విషయంలో మాత్రం పెద్దగా ఫోకస్ చేయడు. సరైనోడు అండ్ జయ జానకి నాయక సినిమాలను చూస్తే అదే అనిపిస్తుంది. అందుకే అలాంటి మాస్ సినిమాలు చరణ్‌ చేయకూడదని అభిమానుల ఫీలింగ్. ఒక ప్రక్కన చరణ్‌-బోయపాటి సినిమా ప్రేమ్ రతన్ ధన్ పాయో సినిమాకు రీమేక్ అని.. అబ్బే కాదు.. అని చాలా  రూమర్లు వస్తున్నా కూడా.. బోయపాటి క్యాంపు అసలు కిమ్మని కూడా అనకపోవడం ఇప్పుడు చాలా రూమర్లు తావిస్తోంది.

తాజాగా ఫిలిం నగర్లో వినిపిస్తున్న ఒక రూమర్ ఏంటంటే.. చరణ్‌ తో చేయాల్సిన ఈ సినిమా క్యాన్సిలైందని తెలుస్తోంది. గతంలో ఇదే తరహాలో రామ్ చరణ్‌ 'మెరుపు' అనే సినిమాను మొదలెట్టి షూటింగ్ చేసి ఆపేశాడు. మరి ఇప్పుడు షూటింగ్ కాకుండానే ఈ సినిమాను క్యాన్సిల్ చేసేశారా? అసలు విషయం తెలియాలంటే.. అటు చరణ్‌ కాని ఇటు బోయపాటి కాని స్పందించాల్సిందే.