నేచురల్ స్టార్ మూవీ కోసం నేచురల్ బ్యూటీ అంత డిమాండ్ చేసిందా...?

మలయాళ 'ప్రేమమ్‌' సినిమాతో వెండితెరకు పరిచయం అయింది సాయి పల్లవి. మొదటి సినిమాతోనే క్రేజీ హీరోయిన్ గా మారిపోయిన ఈ బ్యూటీ.. తెలుగులో 'ఫిదా' సినిమాతో ఇక్కడి ప్రేక్షకులను ఫిదా చేసింది. ఈ క్రమంలో తెలుగులో 'ఎంసీఏ' 'పడి పడి లేచే మనసు' 'కణం' చిత్రాలతో మంచి గుర్తింపు తెచ్చుకుంది. కెరీర్ స్టార్టింగ్ నుండి కమర్షియల్ సినిమాల వైపు పరుగులు తీయకుండా.. గ్లామర్ షో కు ఆమడ దూరంలో ఉంటూ వైవిధ్యమైన పాత్రల్లో నటిస్తూ వస్తోంది. అందం - అభినయం - అదృష్టం అన్నీ కలబోసిన సాయి పల్లవి.. సౌత్ ఇండస్ట్రీలో స్టార్ హీరోయిన్ గా వెలుగొందుతోంది. అందుకే అమ్మడు ఎంత డిమాండ్ చేసినా ఇవ్వడానికి ఫిలిం మేకర్స్ ముందుకొస్తున్నారని తెలుస్తోంది.

కాగా, సౌత్‌ లో మోస్ట్ వాంటెడ్ హీరోయిన్‌ అయిన సాయి పల్లవి ప్రస్తుతం అక్కినేని నాగచైతన్య హీరోగా నటిస్తున్న 'లవ్ స్టోరీ' మరియు దగ్గుబాటి రానా 'విరాటపర్వం' సినిమాల్లో నటిస్తోంది. వీటితో పాటు నేచురల్ స్టార్ నాని పక్కన నటించడానికి ఈ నేచురల్ బ్యూటీ గ్రీన్ సిగ్నల్ ఇచ్చిందట. ఇంతకముందు నాని సరసన 'ఎంసీఏ' సినిమాలో నటించిన సాయి పల్లవి.. ఇప్పుడు ''శ్యామ్ సింగరాయ్'' సినిమాలో అవకాశం దక్కినట్లు తెలుస్తోంది. అయితే ఈ మూవీ కోసం అమ్మడికి ఏకంగా రూ.2 కోట్ల రెమ్యునరేషన్ ఇస్తున్నట్లు ఇండస్ట్రీ వర్గాల్లో చెప్పుకుంటున్నారు. ఇదే కనుక నిజమైతే సాయి పల్లవి కెరీర్లో అత్యధిక పారితోషకం ఇదేనని చెప్పవచ్చు. 'టాక్సీవాలా' ఫేమ్ రాహుల్ సాంకృత్యాన్ దర్శకత్వం వహిస్తున్న ఈ మూవీలో మరో హీరోయిన్ గా అదితిరావు హైదరీని తీసుకోనున్నట్లు సమాచారం.