టీజర్ టాక్:ఈ సాక్ష్యం స్ట్రాంగ్ గానే ఉంది

సినిమాపై అంచనాలను కట్ చేయడంలో టీజర్ చాలా కీలకం. దీన్ని ఎంత పర్ఫెక్ట్ గా కట్ చేస్తే.. మూవీకి అవసరమైన హైప్ క్రియేట్ అవుతుందో.. లేటెస్ట్ గా విడుదల చేసిన సాక్ష్యం టీజర్ చూస్తే అర్ధమవుతుంది. బెల్లంకొండ శ్రీనివాస్ హీరోగా శ్రీవాస్ దర్శకత్వంలో రూపొందుతున్న మూవీ సాక్ష్యం.

ఈ చిత్రానికి ఇప్పుడు టీజర్ ను రిలీజ్ చేశారు. తప్పు చేసిన ప్రతీవాళ్లు నాలుగు దిక్కులు చూసి తమను ఎవరూ చూడలేదని అనకుంటారని.. కానీ పై నుంచి మరో శక్తి చూస్తూ ఉంటుందని.. అదే కర్మ సాక్షి అంటూ టీజర్ ప్రారంభంలోనే సినిమా థీమ్ ఏంటో చెప్పేశారు. కర్మ సాక్షి అని చెప్పినట్లుగానే.. అతీత శక్తుల నేపథ్యంలో ఈ మూవీ సాగనుందనే విషయం అర్ధమైపోతూనే ఉంది. అయితే.. టీజర్ పరంగా చెప్పుకోవాల్సిన విషయం మాత్రం.. అద్భుతమైన మేకింగ్ వాల్యూస్. ప్రతీ ఫ్రేమ్ ను ఎంతో కాస్ట్‌ లీ అనిపించేలా నిర్మించారు. ఏ ఫ్రేమ్ లోను భారీ బడ్జెట్ చిత్రానికి అణువంత కూడా తగ్గలేదు.

అలాగే భారీ స్థాయిలో క్యారెక్టర్ ఆర్టిస్టులను చూస్తుంటే.. మూవీపై చాలానే బడ్జెట్ వెచ్చించారని అర్ధమవుతుంది. పూజా హెగ్డే గ్లామర్ ఈ సినిమాకు ప్లస్ అవుతుందని అనడంలో ఏ మాత్రం సందేహం లేదు. 'కాల్చడానికో పూడ్చడానికో అది శవం కాదు.. సాక్ష్యం' అంటూ చెప్పిన డైలాగ్ అదిరిపోయింది. మొత్తం మీద బెల్లంకొండ శ్రీనివాస్ తాను హిట్ ఇస్తానని గట్టి సాక్ష్యమే పట్టుకొచ్చినట్లున్నాడు.

వీడియో కోసం క్లిక్ చేయండి

Full View