చరణ్‌ వలనే ఇదంతా -సమంత

నిజంగా దర్శకుడు సుకుమార్ చేస్తోన్న రంగస్థలం ప్రయోగం ఎన్ని కలెక్షన్స్ అందుకుంటుందో తెలియదు గాని తప్పకుండా మంచి గుర్తింపు తెచ్చుకుంటుందని చెప్పవచ్చు. ప్రస్తుత రోజుల్లో స్టార్ హీరోలు స్పెషల్ స్టైలిష్ కాస్ట్యూమ్ తో అలాగే లక్సరి వాహనాలలో ఎంట్రీలు ఇస్తుంటే సుకుమార్ మాత్రం ఆ స్థాయిలో ఉండే నటీనటులకు మట్టి వాసనను చూపిస్తున్నాడు. తన రూట్ కాకపోయినప్పటికి తాను కూడా హ్యాపీగా ఈ వే లో ప్రయాణించి నవతరం యువ దర్శక హీరోలకు దారి చూపించగలను అని మంచి ప్రయోగాన్ని చేస్తున్నాడు.

ఇక మొదటి టీజర్ లోనే రామ్ చరణ్ తన నటనతో ఆకట్టుకొని సినిమాపై హైప్ పెంచిన సంగతి తెలిసిందే. ఇక అదే తరహాలో సమంత కూడా ఈ రోజు స్పెషల్ గా కనిపించి అందరి చేత వావ్ అనిపించుకుంది. మొత్తంగా ఎక్కడ ఉండే స్టార్ ఎక్కడికి వచ్చింది?. ఆకాశంలో తారా నెలకు దగ్గరగా ఉంటే ఇంత సింపుల్ గా ఉంటుందా అనేలా ఓ పేదింటి పాత్రలో కలిసిపోయింది సమంత. అయితే ఒక హీరోయిన్ కోసం స్పెషల్ టీజర్ ని ఇంతకుముందు ఎప్పుడైనా మనం చూశామా? లేడి ఓరియెంటెడ్ సినిమా అయితే తప్ప చూడలేము.

ఇక స్టార్ హీరో ఉన్న సినిమాల్లో హీరో డామినేషన్ ఎక్కువగా ఉంటుంది కాబట్టి ఎంత సేపు కనిపిస్తారో తెలియదు. కానీ సమంత కోసం స్పెషల్ గా చిత్ర యూనిట్ స్పెషల్ టీజర్ రిలీజ్ చేయడం నిజంగా ప్రశంసించ దగ్గ విషయమే. అయితే ఇదంతా హీరో రామ్ చరణ్ వల్లే జరిగిందని సమంత తెలిపింది. రామ లక్ష్మీ అనే పాత్ర లో చాలా ప్రత్యేకత ఉంది. ఆమె పాత్రను స్పెషల్ గా రిలీజ్ చేయాలని చెర్రీ ప్లాన్ చేసి టీజర్ రెడీ చేయించాడని సమంత తెలిపింది. నిజంగా చెర్రీ కి హ్యాట్సాఫ్ చెప్పాల్సిందే.