స‌మంతకి అప్పుడే మాటిచ్చావా త్రివిక్ర‌మ్‌?

అఆ చూసిన‌వాళ్లంతా ఇది స‌మంత సినిమా అంటున్నారు. ద‌ర్శ‌కుడు  త్రివిక్ర‌మ్ కూడా ఇది ఇద్ద‌రి హీరోల సినిమా అనేశాడు.  ఒక హీరో స‌మంత అయితే మ‌రొక హీరో నితిన్ అని డైరెక్టుగా చెప్పేశాడు. నిజంగానే ఆ రెండు పాత్ర‌లు తెర‌పై ఎప్పుడూ  క‌నిపిస్తుంటాయి. చాలా రోజుల త‌ర్వాత ఇంత‌టి పెర్‌ ఫార్మెన్స్ ఓరియెంటెడ్ పాత్ర చేసింది కాబ‌ట్టి స‌మంత ఆనందానికి అవ‌ధుల్లేవు.

ఇదివ‌ర‌కు డ‌బ్బులొచ్చిన సినిమాలో చేసిన పాత్ర‌కి మంచి రివ్యూస్ వ‌చ్చేవి కాద‌నీ, మంచి రివ్యూస్ వ‌చ్చిన సినిమాకి డ‌బ్బులొచ్చేవి కాద‌ని...  ఇప్పుడు మాత్రం డ‌బ్బులతో పాటు మా పాత్ర‌ల‌కీ మంచి రివ్యూస్ వ‌చ్చాయని సంతోష‌ప‌డుతోంది స‌మంత‌. అయితే ఈ సినిమాలో త‌న‌కి త్రివిక్ర‌మ్ అవ‌కాశం ఇవ్వ‌డానికి కార‌ణం కూడా స‌క్సెస్‌ మీట్‌ లో బ‌య‌ట‌పెట్టింది స‌మంత‌.

అంత‌కుముందు చేసిన స‌న్నాఫ్ స‌త్యమూర్తి సినిమాలో త‌న పాత్ర‌కి వ‌చ్చిన రెస్పాన్స్ స‌మంత‌ని బాగా ఇబ్బంది పెట్టింద‌ట‌. అందులో ఆమె షుగ‌ర్ పేషంట్‌ గా క‌నిపించింది. ఆ పాత్ర‌పై  స‌మంత ఆవేద‌న వ్య‌క్తం చేసిందో ఏంటో తెలియ‌దు కానీ... త‌ర్వాత సినిమాలో నీకోసం మంచి పాత్ర రాస్తాను చూడండీ  అని చెప్పాడ‌ట త్రివిక్ర‌మ్‌.

అప్పుడ‌లా ఇచ్చిన మాట‌ని ఆయ‌న నిల‌బెట్టుకొంటూ అఆలో నా కోసం మంచి పాత్ర‌ని రాశాడ‌ని స‌మంత ఆనందం వ్య‌క్తం చేసింది. అన్న‌ట్టు ఈ సినిమాతో నితిన్‌ కి ఇచ్చిన మాట‌ని కూడా త్రివిక్ర‌మ్ నిలబెట్టుకొన్నట్టైంది. స‌న్నాఫ్ స‌త్యమూర్తికి ముందు నితిన్‌తోనే సినిమా చేయాల‌నుకొన్నాడ‌ట త్రివిక్ర‌మ్.  అయితే అప్పుడు కుద‌ర్లేదు. ఎట్ట‌కేల‌కి అఆతో కుదిరింది కాబ‌ట్టి నితిన్‌ - త్రివిక్ర‌మ్  ఫుల్ హ్యాపీ.