స‌మంత అందం రెట్టింపైందా?

నువ్వు నీ పిట్ట మొహం అని దూకుడులో స‌మంత‌ని మహేష్ ఓ ఆట ఆడుకొన్నాడు. మ‌హేష్ అప్పుడంటే  అన్నాడేమో కానీ.. ఇక‌పై మాత్రం  ఆయ‌నే కాదు, స‌మంత‌పై ఏ హీరో కూడా అలాంటి డైలాగులు విస‌ర‌లేడేమో అనిపిస్తోంది. అందం విష‌యంలో ఆమె అంత‌గా మారిపోయింది మ‌రి! క్యూట్ అన్న మాట‌కి నిలువెత్తు నిద‌ర్శ‌నంలా మారింది సమంత‌. ఇటీవ‌ల వేడుక‌ల్లో క‌నిపించిన‌ప్పుడు  ఆ విష‌యం స్ప‌ష్టంగా అర్థ‌మైంది. అలాగే తాజాగా విడుద‌లైన అఆ టీజ‌ర్‌ లోనూ స‌మంత ఎంత‌గా మారిపోయిందో ఈజీగే క‌నిపెట్టేయొచ్చు.  కాస్త బొద్దుగా - ఛ‌బ్బీగా మారిపోయింది. స‌హ‌జంగానే  మూతి ముడుపుల‌తోనే అద‌ర‌గొట్టేస్తుంటుంది స‌మంత‌.

ఇక త్రివిక్ర‌మ్‌ సినిమాల్లో అయితే ఆ త‌ర‌హా యాక్ష‌న్ మ‌రికొంచెం ఎక్కువ‌గానే వుంటుంది. సో... స‌మంత అఆలో త‌న అందంతోనూ, క్యూట్ మూమెంట్స్‌ తోనూ అద‌ర‌గొట్ట‌బోతోంద‌న్న‌మాట‌. ఇటీవ‌ల స‌మంత అందం విష‌యంలో ప్ర‌త్యేక‌మైన శ్ర‌ద్ధ క‌న‌బ‌రుస్తోంద‌నీ - విదేశీ నిపుణుల స‌ల‌హాల‌తో పాటు.. వాళ్లు ఇచ్చే కొన్ని పానీయాలు సేవిస్తోంద‌ని...  ఆ ఫ‌లితంగానే ఆమె అలా అందంగా క‌నిపిస్తోంద‌ని టాలీవుడ్ వ‌ర్గాలు చెబుతున్నాయి. మ‌రికొద్దిమంది మాత్రం త‌న హెయిర్‌ ని కాస్త త‌గ్గించింది కాబ‌ట్టి ఛ‌బ్బీగా క‌నిపిస్తోంద‌ని అంటున్నారు. ఏదేమైనా స‌మంత మ‌రికొన్నాళ్లు కుర్రాళ్ల గుండెల్లో నిద్ర‌పోయేలానే  క‌నిపిస్తోంది. ఆమె అఆ - బ్ర‌హ్మోత్స‌వం - జ‌న‌తాగ్యారేజ్‌.. ఇలా వ‌రుస‌గా మూడు చిత్రాల‌తో సంద‌డి చేయ‌బోతోంది. మ‌ధ్య‌లో సూర్య‌తో క‌లిసి న‌టించిన `24`తోనూ అల‌రించ‌బోతోంది. టోట‌ల్‌ గా స‌మంత అందాన్ని ఆస్వాదించిన‌వాళ్లకి ఆస్వాదించినంత‌న్న‌మాట‌.