వైరల్ పిక్: 'సర్కారు వారి..' సెట్స్ లో స్టైలిష్ మహేష్..!

సూపర్‌ స్టార్ మహేష్ బాబు ప్రస్తుతం పరశురామ్ దర్శకత్వంలో ''సర్కారు వారి పాట'' అనే యాక్షన్ ఎంటర్టైనర్ లో నటిస్తున్న విషయం తెలిసిందే. ఇప్పటికే విడుదలైన ప్రీ లుక్ మోషన్ పోస్టర్ సినిమాపై ఆసక్తిని కలిగించింది. చెవికి రింగు.. మెడ మీద రూపాయి కాయిన్ టాటూతో మహేష్ మాసీ లుక్ లో అదరగొట్టాడు. ఈ చిత్రంలో వింటేజ్ మహేష్ ని చూపించబోతున్నట్లు హింట్ ఇచ్చారు. ఇటీవలే దుబాయ్‌ లో ఈ సినిమా ఫస్ట్ షెడ్యూల్ పూర్తి చేసుకుంది. కరోనా వ్యాప్తి కారణంగా రెండో షెడ్యూల్ షూటింగ్‌ వాయిదా వేసుకుంటూ వస్తున్నారు. అయితే మంగళవారం ఈ సినిమా రెండో షెడ్యూల్‌ షూట్ ప్రారంభించినట్లు చిత్ర యూనిట్ తెలిపింది.

ఇకపోతే ఈ సినిమా షూటింగ్ స్పాట్ నుంచి ఎప్పటికప్పుడు వీడియోలు ఫోటోలు బయటకు వస్తుండటం చిత్ర యూనిట్ కి తలనొప్పిగా మారింది. దుబాయ్ లో చిత్రీకరణ చేసినన్ని రోజులూ ఏదో ఒక ఫొటో లీక్ అవుతూనే ఉంది. ఇప్పుడు తాజాగా స్టార్ట్ చేసిన షెడ్యూల్ నుంచి అప్పుడే ఓ పిక్ బయటకు వచ్చింది. ఇందులో బ్లూ జీన్స్ బ్లూ షర్ట్ లో ఉన్న మహేష్ మాస్క్ పెట్టుకుని స్టైల్ గా నడుస్తున్నాడు. ఇంకేముంది సూపర్ స్టార్ ఫ్యాన్స్ ఈ ఫోటోని సోషల్ మీడియా మధ్యమాలలో షేర్ చేస్తూ వైరల్ చేశారు. కాగా, 'సర్కారు వారి పాట' సినిమాలో మహేశ్ సరసన కీర్తి సురేష్ హీరోయిన్ గా నటిస్తోంది. రెండో షెడ్యూల్ షూటింగ్‌ లో మహేష్ తో పాటు కీర్తి కూడా పాల్గొంటున్నట్లు తెలుస్తోంది. GMB ఎంటర్‌టైన్‌మెంట్ - 14 రీల్స్ ప్లస్ - మైత్రీ మూవీ మేకర్స్ సంస్థలు కలిసి ఈ చిత్రాన్ని నిర్మిస్తున్నాయి. 2022 సంక్రాంతికి ఈ సినిమాని విడుదల చేయనున్నారు.