అఖిల్ భామ అదృష్టం బావుందే

స్టార్ హీరోల వారసులు వెండితరకు పరిచయం అవుతున్నారు అంటే సినిమా కోసం ఎన్ని జాగ్రత్తలు తీసుకుంటారో ప్రత్యేకంగా చెప్పనక్కర్లేదు. ముఖ్యంగా హీరోయిన్స్ విషయంలో అయితే కొత్త హీరోయిన్ అయితేనే కరెక్ట్ గా ఉంటుందని వంద మోడల్స్ ని అయినా ఆడిషన్ కి పిలుస్తురు. ఆ విధంగానే వందమంది వయ్యారి భామలకు దాటి అక్కినేని అఖిల్ మొదటి సినిమాకు ఎంచుకున్నారు సయేశా సైగల్ ని. కాకపోతే ఈమె కూడా పాపులర్ హిందీ హీరోయిన్ సైరా బాను వారసురాలే.

తన వయ్యారమైన లుక్ తో చాలా హాటుగా ఉండే ఈ భామ మొదటి సినిమాతోనే అక్కినేని వారసుడితో ఛాన్స్ కొట్టేసింది. అయితే సినిమా అనుకున్నంతగా హిట్ కాకపోవడంతో కొంత నిరాశ చెందింది. కానీ ఈ అమ్మడి అందాలని బాలీవుడ్ మెచ్చి ఆఫర్లను ఇచ్చింది. అజయ్ దేవగన్ -శివాయ్ సినిమాతో హిట్ అందుకొని తమిల్ లో కూడా అడుగుపెట్టింది. జయంరవి హీరోగా తెరకెక్కిన వనమగన్ అనే సినిమాలో హీరోయిన్నుగా చేసింది. తన గ్లామర్ తో ఆకట్టుకుంది. అయితే ఇంతకాలం కష్టపడినందుకు మరో మంచి బంపర్ ఆఫర్ ని కొట్టేసింది. కోలీవుడ్ స్టార్ హీరో విజయ్ సేతుపతి హీరోగా గోకుల్ దర్శకత్వంలో తెరకెక్క ఓ సినిమాలో ఛాన్స్ కొట్టేసింది. ఆ సినిమాకు జుంగా అనే టైటిల్ ను కూడా ఫిక్స్ చేసినట్లు తెలుస్తోంది.

ప్రస్తుతం ఈ అమ్మడు ప్రభుదేవా డైరెక్షన్ లో విశాల్ - కార్తీ హీరోలుగా తెరకెక్కుతున్న మల్టీస్టారర్ లో మెయిన్ లీడ్ లో నటించనుంది. అలాగే మరో హిందీ సినిమా షూటింగ్ లో కూడా బిజీ బిజీ గా పాల్గొంటోంది. ఏదేమైనా మొదటి సినిమాతో ఫెయిల్యూర్ అందుకున్నా స్టార్ హీరోలతో ఛాన్సులను కొట్టేస్తోంది సయేషా!!