ప‌వ‌న్ స‌ర‌స‌న హీరోయినెవ‌రో తెలుసా?

టాలీవుడ్లో హీరోయిన్ల కొర‌త స్టార్ హీరోల‌కు పెద్ద త‌ల‌పోటుగా త‌యార‌వుతోంది. సినిమా మొద‌లుపెట్టేందుకు అన్నీ సిద్ధ‌మైనా.. హీరో్యిన్ ఎవ‌రో తేల‌క ద‌ర్శ‌క నిర్మాత‌లు త‌ల‌లు ప‌ట్టుకుంటున్నారు. ప‌వ‌ర్ స్టార్ ప‌వ‌న్ క‌ళ్యాణ్ కొన్ని నెల‌ల వ్య‌వ‌ధిలో మూడు సినిమాల‌కు కొబ్బ‌రికాయ అయితే కొట్టేశాడు కానీ.. ఆ సినిమాల‌కు హీరోయిన్ల‌ను ఎంచుకోవ‌డం స‌మ‌స్యే అవుతోంది.

శ్రుతి హాస‌న్ తో కాట‌మ‌రాయుడు మొద‌లుపెట్టేశాక‌.. ప‌వ‌న్ త‌ర్వాతి రెండు సినిమాలకు అవ‌స‌ర‌మైన ముగ్గురు హీరోయిన్ల కోసం వేట సాగిస్తున్నారు ఆయా చిత్రాల ద‌ర్శ‌క నిర్మాత‌లు. త్రివిక్ర‌మ్ సినిమాకు కీర్తి సురేష్‌.. అను ఇమ్మాన్యుయెల్ ఖాయ‌మ‌వ‌గా.. టీఎన్ నీశ‌న్ సినిమా కోసం హీరోయిన్ వేట చాలా రోజులుగా సాగుతోంది. ఎట్ట‌కేల‌కు ఆ సినిమాకు కూడా హీరోయిన్ ఫిక్స‌యిన‌ట్లు స‌మాచారం. ఆ హీరోయిన్ ఎవ‌రో తెలిస్తే షాక‌వ‌వ‌డం ఖాయం. అక్కినేని అఖిల్ సినిమా ‘అఖిల్‌’తో క‌థానాయిక‌గా ప‌రిచ‌య‌మైన ముంబ‌యి అమ్మాయి సాయేషా సైగ‌ల్ ప‌వ‌న్-నీశ‌న్ సినిమాకు క‌థానాయిక‌గా ఎంపికైన‌ట్లు స‌మాచారం.

‘అఖిల్’ దెబ్బ‌కు సాయేషా మ‌ళ్లీ తెలుగు వైపు చూస్తుంద‌ని ఎవ‌రూ అనుకోలేదు. మ‌రోవైపు హిందీలో ఆమె న‌టించిన తొలి సినిమా ‘శివాయ్’ కూడా ఫ్లాప‌వ‌డంతో అమ్మ‌డి ప‌నైపోయింద‌నుకున్నారు. కానీ ఆశ్చర్య‌క‌రంగా ప‌వ‌న్ సినిమాకు ఎంపికైంద‌న్న వార్త హాట్ టాపిక్ అవుతోంది. ప‌వ‌న్ ప‌క్క‌న అను ఇమ్మాన్యుయెల్ లాంటి చిన్న‌మ్మాయి హీరోయిన్ ఏంటి అనుకుంటుంటే.. 19 ఏళ్ల సాయేషా కూడా ఏమాత్రం సూట‌వుతుందో అన్న సందేహాలూ క‌లుగుతున్నాయి. మ‌రి ఈ జోడీ తెర‌మీద ఎలా ఉంటుందో చూడాలి.

Like Us on Facebook : https://www.facebook.com/Tupakidotcom/