అఖిల్ బ్యూటీని ఇలా మార్చారేంటబ్బా?

 అక్కినేని అఖిల్ ఫస్ట్ మూవీ గుర్తుందిగా. అందులో హీరొయిన్ సాయేషా సైగల్ గ్లామర్ పరంగా యాక్టింగ్ పరంగా పాస్ మార్కులే తెచ్చుకున్నప్పటికీ మొదటి సినిమా డిజాస్టర్ కావడంతో పాపకు ఇక్కడ అట్టే అవకాశాలు రాలేదు. పోనీ తన హోం టౌన్ బాలీవుడ్ లో పాగా వేద్దామని ప్రయత్నం చేసింది కాని అక్కడా వర్క్ అవుట్ కాలేదు. అజయ్ దేవగన్ తో చేసిన శివాయ్ ఆ ఆశలను పూర్తిగా నీరుగార్చేసింది.అందుకే ఇలా లాభం లేదని యాపిల్ పండులా ఉండే అమ్మాయిలను నెత్తి మీద పెట్టుకుని ఊరేగించే కోలీవుడ్ లో అడుగు పెట్టింది. అమ్మడి లెక్క ఈ సారి తప్పలేదు. అక్కడ అవకాశాలు బాగానే కొట్టేస్తోంది. పైన స్టిల్ చూసారుగా. కార్తీ హీరోగా రూపొందుతున్న కడై కుట్టి సింగం అనే సినిమాలోనిది. అందులో సాయేషానే హీరొయిన్.

పక్కా పల్లెటూరి నేపధ్యంలో రూపొందుతున్న ఈ మూవీలో కార్తితో పాటు సాయేషా సైగల్ కూడా అచ్చ తమిళ కట్టులోకి వెళ్లిపోయింది. తెలుగులో దీన్ని చినబాబు పేరుతో డబ్బింగ్ వెర్షన్ విడుదల చేయబోతున్నారు. ఫస్ట్ లుక్ జనవరిలోనే రిలీజ్ చేసారు. తనకు బాగా సూట్ అయ్యే గ్రామీణ నేపధ్యంలో కార్తి చేసిన సినిమాలు దాదాపు సక్సెస్ అయ్యాయి. ఇది కూడా అదే కోవలోకి వస్తుందన్న ధీమాలో ఉన్నాడు కార్తి. లాస్ట్ ఇయర్ వచ్చిన ఖాకీ తమిళ్ తో పాటు తెలుగులో కూడా మంచి విజయాన్ని దక్కించుకుంది. దాని కంటే ముందు బాగా డల్ గా ఉన్న కార్తి మార్కెట్ ఖాకీ వల్లే పికప్ అయ్యింది. తన సినిమాల తెలుగు వెర్షన్లకు తనే స్వయంగా డబ్బింగ్ చెప్పుకునే కార్తిని ఆదర్శంగా తీసుకునే అన్నయ్య సూర్య కూడా మొదటి సారి గ్యాంగ్ కోసం తెలుగు లో మాట్లాడి సూపర్ అనిపించుకున్నాడు. తెలుగుని బాగా ఇష్టపడే కార్తి అందుకోసమే ఏరికోరి స్ట్రెయిట్ మూవీ ఊపిరి చేసాడు. ఇప్పుడు సాయేషా సైగల్ తో మొదటిసారి జంట కట్టిన ఈ మూవీపై కోలీవుడ్ లో బాగా హైప్ ఉంది.