షారూక్.. కరణ్.. ట్విట్టర్ లో కామెడీ

బాలీవుడ్ బాద్షా షారూక్ ఖాన్.. దర్శకుడు కరణ్ జోహార్ ల మధ్య విపరీతమైన ఫ్రెండ్ షిప్ ఉంది. వీళ్లిద్దరి కాంబినేషన్ లో వచ్చిన బ్లాక్ బస్టర్స్.. బాలీవడ్ లో చిరస్థాయిగా నిలిచిపోయే సినిమాలు. అయితే.. తాజాగా షారూక్ నటించిన రాయీస్ మూవీ విడుదలైంది. మూవీని చూసిన కరణ్ జోహార్.. షారూక్ ని అభినందిస్తూ ట్వీట్స్ పెట్టాడు.

'రాయీస్ చూశా.. తెగ నచ్చేసింది.. పైసా వసూల్ సూపర్ హిట్. కంగ్రాచ్యులేషన్స్ టు రాయీస్ టీం' అంటూ షారూక్ యాక్షన్ ని ప్రశంసించాడు కరణ్. దీనికి స్పందించిన షారూక్.. 'నువ్వు కూడా యాక్షన్ ఫిలిం తీయచ్చుగా. నీలో ఆ ఫైర్ ఉంది. డిషూం డిషూం అయిపోతుంది' అంటూ షారూక్ రిప్లై ఇస్తే.. 'ఓహ్.. నువ్వు కనుక ఘోస్ట్ డైరెక్షన్ చేస్తానంటే నేను రెడీ' అన్నాడు కరణ్ జోహాన్. 'నీ సినిమాల్లో యాక్షన్ సీన్స్ నేనే డైరెక్ట్ చేశాగా. అమ్మాయిల వెనక పరిగెట్టి.. వాళ్ల చేతులు పట్టుకునే సీన్స్ అన్నీ అవేగా' అన్నాడు షారూక్ ఖాన్.

'నిజమే.. కుచ్ కుచ్ హోతా హైలో బాస్కెట్ బాల్ సీన్స్ నీ డైరెక్షన్ లోవే అని అందరికీ చెప్పాల్సిన టైం ఇదే' అంటూ కరణ్ ట్వీట్ చేస్తే.. 'అయితే.. స్పోర్ట్స్ ఫిలిం అయితే బాగుంటుంది. యే దంగల్ హై ముష్కిల్ యహా' అన్నాడు షారూక్. 'నా జోనర్ లను మించి ఛాయిస్ లు ఇస్తున్నా. అంత డిఫరెంట్ గా నేను తీయలేనని తెలుసుగా షారూక్' అంటూ కరణ్ స్పందిస్తే.. 'మరీ అంతలా ఆలోచించకు. నీ చివరి మూడు సినిమాలు కె అనే అక్షరంతో మొదలవలేదు. అంటే నువ్వు విభిన్నంగా ఉన్నట్లే కదా' అంటూ స్పందించాడు షారూక్. వీళ్ల ట్విట్టర్ సంభాషణ మాత్రం ఫాలోయర్స్ ని తెగ అలరించింది. ''

Like Us on Facebook : https://www.facebook.com/Tupakidotcom/