ద‌ళ‌ప‌తికి హ్యాట్రిక్ ఇచ్చిన‌ డైరెక్ట‌ర్ .. కింగ్ ఖాన్ కి హిట్టిస్తాడా?

శంక‌ర్ ద‌ర్శ‌క‌త్వ శాఖ‌లో ప‌నిచేసిన ప్ర‌తిభావంతుడిగా అట్లీ సుప‌రిచితం. ఈ యంగ్ డైరెక్ట‌ర్ చాలా విష‌యాల్లో త‌న గురువునే ఫాలో అవుతున్నాడు. సామాజిక స‌మస్య‌ల్ని త‌న‌దైన పంథాలో తెర‌పై ఆవిష్క‌రిస్తూ గురువుకు త‌గ్గ శిష్యుడిగా పేరు తెచ్చుకుంటున్నారు. ఇప్ప‌టికే ఇళ‌య‌ద‌ళ‌ప‌తి విజ‌య్ కి వ‌రుస‌గా హ్యాట్రిక్ హిట్ లు అందించాడు. తేరి- మెర్స‌ల్- బిగిల్ చిత్రాల‌తో ఈ కాంబినేష‌న్ హ్యాట్రిక్ హిట్స్ ని ఖాతాలో వేసుకుంది. అయితే `బిగిల్‌` మూవీ ద‌గ్గ‌రి నుంచి అట్లీ బాలీవుడ్ బాద్ షా షారుక్ ఖాన్ తో క‌లిసి ప‌నిచేయ‌బోతున్నారంటూ వ‌రుస క‌థ‌నాలు వినిపించ‌డం మొద‌లైంది.

గ‌త కొంత కాలంగా స‌రైన హిట్ ‌ని సొంతం ‌చేసుకోలేక‌పోతున్న షారుక్ ఖాన్ యంగ్ టాలెంటెడ్ డైరెక్ట‌ర్ అట్లీతో క‌లిసి సినిమా చేయాల‌నుకుంటున్నాడ‌ని.. ఈ మూవీని షారుక్ సొంత నిర్మాణ సంస్థ రెడ్ చిల్లీస్ ఎంట‌ర్‌టైన్ మెంట్స్ నిర్మించ‌నుంద‌ని వార్త‌లు షికారు చేశాయి. అయితే దీనిపై ఇద్ద‌రి నుంచి ఎలాంటి ప్ర‌క‌ట‌న రాలేదు. ఇంత ప్ర‌చారం జ‌రుగుతున్నా ఎవ‌రూ స్పందించ‌డం లేదు కాబ‌ట్టి ఈ ప్రాజెక్ట్ కార్య‌రూపం దాల్చ‌డం క‌ష్ట‌మ‌నే భావించారు.

అయితే తాజాగా అట్లీ - షారుక్ కాంబినేష‌న్ ప్రాజెక్ట్ త్వ‌ర‌లోనే ప‌ట్టాలెక్క‌బోతోంద‌ని తెలుస్తోంది. ఇప్ప‌టికే ప్రీ ప్రొడ‌క్ష‌న్స్ వ‌ర్క్ మొద‌లైంద‌ని వ‌చ్చే ఏడాది  చిత్రం సెట్స్ పైకి రానుంద‌ని స‌మాచారం. ఇక ఈ చిత్రంలో షారుక్ రా ఏజెంట్ గా క‌నిపించ‌నున్నార‌ట‌. వివిధ దేశాల్లో అత్యంత భారీ స్థాయిలో హాలీవుడ్ సినిమాల‌కు ఏ మాత్రం త‌గ్గ‌కుండా ఈ మూవీ వుంటుంద‌ని తెలుస్తోంది. హాలీవుడ్ టెక్నీషియ‌న్స్ ఈ చిత్రానికి వ‌ర్క్ చేయ‌బోతున్నార‌ట‌. దీనిపై త్వ‌ర‌లో ఆఫీషియ‌ల్ అనౌన్స్ ‌మెంట్ రానుంద‌ని తెలిసింది.