ఫస్ట్ లుక్‌: శతమానం భవతి సింపులే సుమతి

సింపుల్ గా సంక్రాంతి రేసులో ఉన్నాం అంటూ ఆల్రెడీ భారీ రేంజులో బాంబు పేల్చాడు నిర్మాత దిల్ రాజు. మనోడు ''గౌతమీపుత్రి శాతకర్ణి'' ''ఖైదీ నెం 150'' సినిమాలతో పోటీగా ఇప్పుడు శర్వానంద్ హీరోగా రూపొందుతున్న ''శతమానం భవతి'' సినిమాను రంగంలోకి దించుతున్నాడు. అయితే సంక్రాంతి పండుగ వరకు టైమ్ ఉన్నా కూడా.. ఫస్ట్ లుక్ మాత్రం దసరాకే దించేశాడు.

వెనుక జనాలందరూ చక్కగా సంక్రాంతి ముగ్గులు వేసుకుంటే.. హీరో శర్వానంద్ మాత్రం వేరుశనగ కాయల పగలగొట్టి ప్రక్కనే ఉన్న మోడ్రన్ గాళ్‌ అనుపమ పరమేశ్వరన్ కు అందిస్తున్నాడు. సింపుల్ గా ఇదే ''శతమానం భవతి'' ఫస్ట్ లుక్ పోస్టర్. ఈ సినిమాతో రైటర్ వేగేశ్న సతీష్‌ దర్శకుడిగా పరిచయం అవుతున్నాడు. ఫ్యామిలీ ఎంటర్టయిన్మెంట్ సినిమాలు దిల్ రాజు బ్యానర్ కే ప్రత్యేకం. అందుకే పోస్టర్లు ఎంత సింపుల్ గా ఉన్నా కూడా వాటి తాలూకు రియాక్షన్ మాత్రం జనాల్లో బాగానే ఉంటుంది.

ఇకపోతే ఈ రోజు సాయంత్రం 6 గంటలకు శతమానం భవతి టీజర్ కూడా విడుదలవుతోంది. మొత్తానికి వచ్చే సంవత్సరం విడుదలయ్యే సినిమాకు అప్పుడే టీజర్ కూడా వచ్చేస్తోందంటే కాస్త విశేషమే. అది సంగతి.

Like Us on Facebook : https://www.facebook.com/Tupakidotcom/