ఆయ‌న లోకంలో నిండా మునిగి తేలుతుంటే ఇంకెవ‌రు క‌నిపిస్తారు?

కొన్ని కొన్ని సంద‌ర్భాల్లో స్టార్స్ చేప్పే మాట‌లు వింత‌గా విడ్డూరంగా అనిపించినా అవి ప‌చ్చి నిజాలు అని తెలిసాక క‌ళ్లు తేలేయాలి. కొంత మంది తండ్రిని క‌లుసుకోలేద‌ని.. త‌మ‌ త‌ల్లిని చూడక నెల‌ల‌వుతోంద‌ని చెబుతుంటారు. అలాంటి మాట‌లు విన్న‌ప్పుడు సామాన్య జ‌నానికి ఇదేంటీ ఇలా మాట్లాడుతున్నారు అని కంగారు ప‌డ‌తారు. స్టార్ హీరోయిన్  శ్రుతిహాస‌న్ తాజాగా సోష‌ల్ మీడియా వేదిక‌గా పంచుకున్న మాట‌లు కూడా ఇదే త‌ర‌హాలో అభిమానుల్ని ఆశ్చ‌ర్యానికి గురి చేస్తున్నాయి.

సైమా అవార్డ్స్ కోసం చెల్లెలు అక్ష‌ర హాస‌న్ తో క‌లిసి హైద‌రాబాద్ వ‌చ్చిన శృతిహాస‌న్ బ్లాక్ డ్రెస్ కోడ్ లో ఎంట్రీ ఇచ్చి స‌ర్ ప్రైజ్ చేసింది. అక్ష‌ర‌తో క‌లిసి ఫొటోల‌కు పోజులిచ్చిన వృతి ఓ ఫొటోని ఇన్ స్టాలో షేర్ చేసి దానికి ఆస‌క్తిక‌ర‌మైన క్యాప్ష‌న్ ని జ‌త చేసింది. `మీకు ఒక సోదరి ఉన్నప్పుడు మరేమీ అవసరం లేదు.  మా షెడ్యూల్ ల కారణంగా ఇప్పటివరకు మేము పాండిమిక్ డేస్ నుంచి ఇప్ప‌టి వ‌ర‌కు కలుసుకోలేక‌పోయాము. ఇప్ప‌టికి క‌లిశాం. ఈ జ‌ర్నీ మా ఇద్దరికీ చాలా ప్రత్యేకమైనది`` అని రాసుకొచ్చింది. అయితే ఇటీవ‌లి కాలంలో డూడుల్ ఆర్టిస్ట్ శంత‌ను హ‌జారికాతో స్నేహంలో అన్నిటినీ మ‌ర్చిపోయిన శ్రుతి త‌న సోద‌రిని కూడా మ‌ర్చిపోయిందా? అంటూ అభిమానులు కామెంట్లు చేస్తున్నారు. అయినా ఆయ‌నే లోకంగా నిండా మునిగి తేలుతుంటే ఇంక సిస్ట‌ర్ ఎందుకులే అని పంచ్ లు వేస్తున్నారు.

`క్రాక్‌` బ్లాక్ బ‌స్ట‌ర్ హిట్ తో శృతి సెకండ్ ఇన్నింగ్స్‌ ఒక్క‌సారిగా మ‌లుపు తిరిగింది. ఈ సినిమా స‌క్సెస్ తో మాంచి జోష్ మీదున్న శృతి తెలుగు, క‌న్న‌డ, హిందీ భాష‌ల్లో భారీ చిత్రాల్లో న‌టిస్తోంది. ప్ర‌భాస్ హీరోగా `కేజీఎఫ్‌` ఫేమ్ ప్ర‌శాంత్ నీల్ తెర‌కెక్కిస్తున్న `స‌లార్‌`లో ప్ర‌భాస్‌కు జోడీగా న‌టిస్తున్న విష‌యం తెలిసిందే. ఈమూవీ చిత్రీక‌ర‌ణ ప్ర‌స్తుతం ముంబైలో జ‌రుగుతోంది.