కుర్ర హీరోల్ని బుట్ట‌లో వేస్తున్న క‌త్రిన‌

త‌న‌కంటే ప‌దేళ్ల చిన్న వ‌య‌సు హీరోల‌తో సీనియ‌ర్ భామ రొమాన్స్ ప్ర‌స్తుతం హాట్ టాపిక్ గా మారింది. స‌ద‌రు హాట్ లేడీ అంత స్మార్ట్ గా కుర్రాళ్ల‌ను ఎలా బుట్ట‌లో వేయ‌గ‌లుగుతోంది? అంటే డీటెయిల్స్ లోకి వెళ్లాల్సిందే.

బాలీవుడ్ సూప‌ర్ హీరోయిన్ కత్రిన కైఫ్ గురించే ఇదంతా. ఈ అమ్మ‌డు రెండు ద‌శాబ్ధాల కెరీర్ బండిని విజ‌య‌వంతంగా ర‌న్ చేసింది. ఇటీవ‌లే 37 ఏజ్ ని క్రాస్ చేసి 40 వైపు అడుగులు వేస్తోంది. ఇన్నేళ్ల‌లో బాలీవుడ్ లో అగ్ర హీరోలంద‌రి స‌ర‌స‌న న‌టించేసిన ఈ అమ్మ‌డు ఇటీవ‌ల వ‌రుస పెట్టి త‌న మాజీ ల‌వ‌ర్ కం సీనియ‌ర్ స్టార్ అయిన‌ స‌ల్మాన్ ఖాన్ స‌ర‌స‌న న‌టించేస్తోంది.

మ‌రోవైపు కుర్ర‌హీరోల్ని ఈ అమ్మ‌డు వ‌దిలిపెట్ట‌డం లేదు. ఇటీవ‌ల యూరి ఫేం విక్కీ కౌశ‌ల్ తో నిండా ప్రేమ‌లో మునిగింద‌ని త్వ‌ర‌లో పెళ్లాడేయ‌బోతోంద‌ని ప్ర‌చార‌మైంది. ప‌లుమార్లు అత‌డి ఇంటి ప‌రిస‌రాల్లో కెమెరా కంటికి చిక్కి అడ్డంగా బుక్క‌య్యింది. విక్కీ తన కంటే పదేళ్ళు చిన్నవాడు. అదంతా అటుంచితే  అంతకంటే ఇంకొంచెం ఎక్కువ వయస్సు ఉన్న ఇద్దరు నటులతో క‌త్రిన మ‌రో సినిమా చేయబోతోంది. 24 ఏళ్ల ఇషాన్ ఖత్తర్.. 27 ఏళ్ల సిద్ధాంత్ చతుర్వేదితో కత్రినా సినిమా చేస్తుండ‌డం తాజాగా చర్చకు తెర‌తీసింది.

మ‌ర్డ‌ర్ మిస్టరీ .. సిట్యుయేషనల్ కామెడీ నేప‌థ్యంలో ఎంట‌ర్ టైన‌ర్ మూవీ ఇది. త్వ‌ర‌లో చిత్రీక‌ర‌ణ ప్రారంభం కానుంది. ఫర్హాన్ అక్తర్- రితేష్ సిద్వానీ ఈ చిత్రాన్ని నిర్మించనున్నారు. అధికారికంగా చిత్ర‌బృందం కాస్టింగ్ వివ‌రాల్ని వెల్ల‌డించారు.