సోహెల్‌ కు బిబి రెమ్యూనరేషన్‌ కూడా బాగానే ముట్టిందట

తెలుగు బిగ్‌ బాస్‌ నాలుగు సీజన్‌ లలో లక్కీ కంటెస్టెంట్‌ అంటే సోహెల్‌ అనడంలో సందేహ లేదు. ఎందుకంటే ఆయన నిలిచింది మూడవ స్థానంలో అయినా కూడా పాతిక లక్షల ప్రైజ్‌ మనీని దక్కించుకున్నాడు. దాంతో పాటు నాగార్జున మరియు చిరంజీవిల నుండి కూడా 20 లక్షల రూపాయలను బహుమానంగా అందుకున్నాడు. అవి ఆయనకు రాకున్నా ఆయన వల్లే అనాధ ఆశ్రమంకు మరియు మెమబూబ్ కు వచ్చాయి. కనుక ఆ డబ్బు ఆయన ఖాతాలోకి వస్తుంది. అంటే మొత్తంగా 45 లక్షల రూపాయలు అందాయి అంటున్నారు. ఇదే సమయంలో సోహెల్ సినిమాలో నటిస్తానంటూ చిరు చెప్పడం.. బ్రహ్మానందం మాట్లాడటం ఇక ప్రత్యేకంగా చిరంజీవి ఇంటి నుండి బిర్యానీ కూడా రావడం చర్చనీయాంశం అయ్యింది.

ఇక ఇతర కంటెస్టెంట్స్ తో పోల్చితే సోహెల్‌ పారితోషికం విషయంలో కూడా చాలా లాభపడ్డాడు అంటున్నారు. సోహెల్‌ కు వారంకు దాదాపుగా రూ.1.75 లక్షలు ముట్టినట్లుగా చెబుతున్నారు. దాంతో పారితోషికంగా పాతిక లక్షలకు ఎక్కువే సోహెల్‌ దక్కంచుకున్నాడు. మొత్తానికి ఈ నాలుగు సీజన్‌ ల్లో సోహెల్‌ లక్కీ కంటెస్టెంట్‌ గా నిలిచాడు. విన్నర్‌ కంటే ఎక్కువగానే దక్కించుకున్న సోహెల్‌ ముఖ్యంగా ప్రేక్షకుల్లో మంచి ఫేమ్‌ ను దక్కించుకున్నాడు. అన్ని వర్గాల వారిని సోహెల్‌ ఆకట్టుకున్నాడు. మన కుర్రాడు అన్నట్లుగా చాలా మంది ఆయన్ను ఓన్‌ చేసుకున్నారు.