న‌ట‌వార‌సురాలికి మ‌రోసారి లిఫ్టిచ్చాడు

నాన్న కూచీలు మ‌డిక‌ట్టుకుని కూర్చుంటే ఫ‌లితం ఇలానే ఉంటుంద‌ని అర్థ‌మైన‌ట్టుంది.. షాట్ గ‌న్ సోనాక్షి సిన్హా వార‌సురాలు సోనాక్షి సిన్హా.. ప‌ట్టు విడుపు ప్ర‌ద‌ర్శించ‌బోతోంద‌ట‌. గ‌త కొంత‌కాలంగా ఈ న‌ట‌వార‌సురాలికి  అవ‌కాశాలు త‌గ్గ‌డంతో తిరిగి గ్లామ‌ర్ రూట్ లోకి రాబోతోంద‌ట‌. ఈసారి కూడా ఆప‌ద్భాంద‌వుడు స‌ల్మాన్ ఖాన్ నే దిక్క‌య్యాడు.

ఇంత‌కుముందు సోనాక్షికి ద‌బాంగ్ లాంటి క్రేజీ ఫ్రాంఛైజీలో ఛాన్సిచ్చి లైఫిచ్చాడు. ఇప్పుడు మ‌రోసారి లిప్టిచ్చే బాధ్య‌త‌ని తీసుకున్నాడు. `ద‌బాంగ్‌` చిత్రంతో సోనాక్షిని హీరోయిన్‌గా ప‌రిచ‌యం చేసిన ఆయ‌నే  కెరీర్ రిస్క్‌లో వుంద‌ని గ్ర‌హించి మ‌రో అవ‌కాశం ఇచ్చారు. సంజ‌య్ లీలా భ‌స్సాలీతో అనుకున్న `ఇన్ షాల్లా` ఆగిపోవ‌డంతో త‌ను న‌టిస్తూ త‌న సోద‌రుడు నిర్మిస్తున్న `ద‌బాంగ్‌-3`ని వేగంగా పూర్తి చేసేందుకు రెడీ అయ్యాడు.

ప్ర‌భుదేవా ద‌ర్శ‌క‌త్వంలో రూపొందుతున్న ఈ సినిమాలో సోనాక్షీసిన్హా హీరోయిన్‌గా న‌టిస్తోంది.  ఈ ఏడాది ఈద్‌(డిసెంబ‌ర్‌)కు తిరిగి అభిమానుల ముందుకు రావాల‌నుకున్నా.. రిలీజ్‌ని వ‌చ్చే ఏడాది ఈద్‌కు వాయిదా వేశార‌ని ప్ర‌చారం జ‌రుగుతోంది. తాజాగా ఈ ప్ర‌చారాన్ని కొట్టిప‌డేస్తూ సోనాక్షి సిన్హా రిలీజ్ పై ప‌క్కా క్లారిటీ ఇచ్చేసింది. ముందు ప్ర‌క‌టించిన విధంగానే `ద‌బాంగ్‌-3` ఈ ఏడాది ఈద్ కు ప్రేక్ష‌కుల ముందుకు రాబోతోంద‌ని తేల్చి చెప్పేసింది. ప్ర‌భుదేవాతో క‌లిసి వ‌ర్క్ చేయ‌డం చాలా ఎంజాయ్ చేస్తాన‌ని.. ఆయ‌న త‌ర‌హా మేకింగ్ అంటే చాలా ఇష్ట‌ప‌డ‌తాన‌ని.. `ద‌బాంగ్‌`తో ప‌రిచ‌య‌మైన నాకు మ‌ళ్లీ అలాంటి ఫీలింగ్‌నే ఈ సినిమా క‌లిగిస్తోంద‌ని చెప్పింది. సోనాక్షి అభిమానులు మాత్రం త‌న‌కు ఈ సినిమా కెరీర్ ప‌రంగా పెద్ద బూస్ట్ అవుతుంద‌ని భావిస్తున్నారు.