ప్రియుడితో సోనమ్ దొరికేసిందిగా

బాలీవుడ్ బ్యూటీ సోనమ్ కపూర్ అటు సినిమాల పాటు.. ఇటు లవ్ స్టోరీని తెగ స్పీడ్ గా నడిపించేస్తోందనే టాక్ ముందు నుంచి ఉంది. వ్యాపారవేత్త ఆనంద్ అహూజాతో అమ్మడి  ప్రేమాయణం పీక్ స్టేజ్ లో ఉంది బాలీవుడ్ జనాల ఉవాచ. అంతేకాదు.. సోనమ్ కి సంబంధించిన ఫ్యామిలీ ఫంక్షన్స్ లో కూడా కనిపిస్తున్నాడు సోనమ్ లవర్.

సోనమ్ కపూర్ తండ్రి సీనియర్ హీరో అనిల్ కపూర్ 60వ పుట్టిన రోజు సందర్భంగా నిర్వహించిన గ్రాండ్ ఫంక్షన్ కు కూడా ఆనంద్ అహూజా హాజరయ్యాడు. అందరూ సినిమా వాళ్లు కనిపించిన ఈ ఫంక్షన్ లో.. ఇతగాడి ప్రెజెన్స్ కేవలం సోనమ్ కారణంగానే అన్నారు. రీసెంట్ గా ఢిల్లీలో జంటగా చక్కర్లు కొడుతూ కెమేరా కంటికి దొరికారు వీరిద్దరు. ఇండియా ఆర్ట్ ఫెయిర్ 2017కు జంటగా వచ్చారు సోనమ్ కపూర్-ఆనంద్ అహూజా. పీచ్ రఫెల్డ్ పింక్ డ్రెస్ లో సోనమ్ మిలమిలా మెరిసిపోతుంటే.. కేజువల్స్ లో చాలా సింపుల్ గా వచ్చాడు ఆనంద్.

ఇప్పటికే తన లవ్ స్టోరీపై ఓ హింట్ కూడా ఇచ్చింది సోనమ్. కాఫీ విత్ కరణ్ అంటూ కరణ్ జోహార్ నిర్వహించే కార్యక్రమానికి హాజరైన సోనమ్.. తను రిలేషన్ లో ఉన్న మాట వాస్తవమే అని అంగీకరించినా.. బాయ్ ఫ్రెండ్ డీటైల్స్ చెప్పడానికి మాత్రం నిరాకరించింది.

Like Us on Facebook : https://www.facebook.com/Tupakidotcom/