స్పైడర్ శాటిలైట్ తో మహేష్ రికార్డ్

మహేష్ బాబు లేటెస్ట్ మూవీ టైటిల్ పై ఎట్టకేలకు సస్పెన్స్ వీడింది. అన్ని భాషల్లోనూ ఒకే టైటిల్ ఉండాలన్న తన పట్టును నెరవేర్చుకున్నాడు సూపర్ స్టార్. ఇంగ్లీష్ టైటిల్ అయినా సరే.. స్పైడర్ కే మొగ్గు చూపి.. దర్శకుడు మురుగదాస్ ను కూడా ఒప్పించేశాడు. ఇప్పటికే సోషల్ మీడియా స్పైడర్ ట్రెండింగ్ అయిపోయింది. ఇప్పుడీ చిత్రానికి శాటిలైట్ ను కూడా కంప్లీట్ చేసేశారు నిర్మాతలు.

సూపర్ స్టార్ లేటెస్ట్ మూవీ సూపర్బ్ ప్రైస్ ఇచ్చి కొనుగోలు చేసింది జీ నెట్వర్క్. తెలుగు.. తమిళ్ తో పాటు ఈ చిత్రాన్ని హిందీలో కూడా రిలీజ్ చేయబోతున్నారు. మహేష్ కు దేశవ్యాప్తంగా ఉన్న గుర్తింపు.. మురుగదాస్ సినిమాలకు బాలీవుడ్ ఉన్న క్రేజ్ ను దృష్టిలో పెట్టుకుని.. హిందీలో కూడా స్పైడర్ ను రిలీజ్ చేయబోతున్నారు. మూడు భాషలకు కలిపి శాటిలైట్ హక్కులను 26.5 కోట్ల రూపాయలు చెల్లించి దక్కించుకుంది జీ నెట్వర్క్. టాలీవుడ్ సినిమాల్లో ఇదో భారీ రికార్డ్ గా చెప్పుకోవాలి. బాహుబలి తర్వాత స్పైడర్ కే అత్యధికంగా శాటిలైట్ పలికింది. ఇందుకు మూడు భాషల్లో రిలీజ్ చేయనుండడం బాగా కలిసొచ్చిందని చెప్పాలి.

మురుగదాస్ దర్శకత్వంలో ఎన్ వి ప్రసాద్.. టాగూర్ మధు నిర్మిస్తున్న ఈ చిత్రానికి 100 కోట్లకు పైగా వెచ్చిస్తున్నట్లు తెలుస్తోంది. థియేట్రికల్ రైట్స్ రూపంలో కూడా స్పైడర్ కొత్త రికార్డులు నమోదు చేసే అవకాశాలున్నాయని ఇండస్ట్రీ వర్గాలు అంచనా వేస్తున్నాయి.

Like Us on Facebook : https://www.facebook.com/Tupakidotcom/