‘స‌లార్’ లో నెంబ‌ర్ వ‌న్ ఐట‌మ్‌.. హీరోయిన్ నే బుక్ చేసిన ప్రభాస్?

నేష‌న‌ల్ స్టార్ ప్రభాస్ - సెన్సేష‌న‌ల్ డైరెక్ట‌ర్ ప్ర‌శాంత్ నీల్ కాంబోలో వస్తున్న మూవీ సలార్. బాహుబ‌లితో త‌న క‌టౌట్ స్టామినా‌ ఏంటో చాటి చెప్పాడు రెబ‌ల్ స్టార్‌. ఇక‌, కేజీఎఫ్ తో త‌న రేంజ్ ఏంటో పిక్చ‌ర్ క్లియ‌ర్ చేశాడు ప్ర‌శాంత్ నీల్‌. మ‌రి, వీరిద్ద‌రి క‌ల‌యిక‌లో రాబోతున్న మూవీ ఎలా ఉంటుందంటే.. అది మ‌న ఊహ‌!

అయితే.. లేటెస్ట్ గా ఈ సినిమాకు సంబంధించిన ఓ అప్డేట్ బ‌య‌ట‌కు వ‌చ్చింది. ‘స‌లార్‌’ లాంటి భారీ యాక్షన్ ఎంటర్ టైనర్లో ఎలాంటి వెలితి లేకుండా చూస్తున్నాడ‌ట ప్ర‌శాంత్‌. ఇందులో భాగంగా అద్దిరిపోయే ఐట‌మ్ నంబ‌ర్ ను యాడ్ చేయ‌బోతున్నాడ‌ని తెలిసింది. మ‌రి, ధూమ్ ధామ్ గా క‌నిపించే స‌లార్.. ఐట‌మ్ తో చిందేయ‌క‌పోతే ఏం బాగుంటుంది? అందుకే.. స్క్రిప్టులో చోటిచ్చేశాడ‌ట‌!

అంతేకాదు.. దుమ్ము లేసిపోయే సెట్ ను కూడా దీనికోసం ప్రిపేర్ చేస్తున్నాడ‌ట‌. అయితే.. స‌లార్ స‌ర‌స‌న ఆడిపాడే ఆ సుంద‌రి ఎవ‌రైతే బాగుంటుంద‌ని తీవ్రంగా ఆలోచించి, ఆప్ష‌న్ల‌న్నీ తిర‌గేసి.. ఓ క‌త్తిలాంటి ఫిగ‌ర్ ను ఫైన‌ల్ చేశార‌ట‌. ఆమె మ‌రెవ‌రో కాదు.. ‌త‌న అంద‌చందాల‌తో మ‌తులు పోగొట్టిన కేజీఎఫ్ హీరోయిన్ శ్రీనిధి శెట్టి! ఈ వార్త‌.. ఫుల్లుగా చ‌క్క‌ర్లు కొడుతోంది.

అయితే.. ఈ బ్యూటీ ఆల్మోస్ట్ క‌న్ఫాం అయిపోయింద‌ని అంటున్నారు. కేజీఎఫ్ లో ఛాన్సిచ్చి, భారీ హిట్ ఇచ్చిన ప్ర‌శాంత్ కోర‌డంతో ఎలా నో అంటుంది..? అందుకే.. త‌ప్ప‌కుండా ఎస్ అంద‌ట‌! ఇప్ప‌టికే.. హై ఓల్టేజ్ ఎక్స్ పెక్టేష‌న్స్ గ్రాబ్ చేసిన స‌లార్‌.. ఈ పాట‌తో ఇంకేం చేస్తాడో చూడాలి. హోంబ‌లే ఫిల్మ్స్ నిర్మిస్తున్న ఈ చిత్రం వ‌చ్చే ఏడాది ఏప్రిల్ 14న రిలీజ్ కాబోతోంది.