అప్పుడు రకుల్‌ - మంచు లక్ష్మి ఎక్కడ : శ్రీరెడ్డి

శ్రీరెడ్డి తమిళ సినిమా పరిశ్రమలో బిజీ అయినా కూడా సోషల్‌ మీడియాలో మాత్రం సంచలన కామెంట్స్‌ తగ్గించడం లేదు. సోషల్‌ మీడియాలో సెలబ్రెటీలపై, స్టార్స్‌ పై కాస్టింగ్‌ కౌచ్‌ ఆరోపణలు చేయడం వల్లే శ్రీరెడ్డికి ఈ స్థాయి గుర్తింపు దక్కింది అనడంలో ఎలాంటి సందేహం లేదు. శ్రీరెడ్డి గతంలో కాస్టింగ్‌ కౌచ్‌ ఆరోపణలు చేసిన సమయంలో రకుల్‌ ప్రీత్‌ సింగ్‌ మరియు మంచు లక్ష్మిలు ఇండస్ట్రీలో అటువంటివి పెద్దగా ఏమీ లేవని చెప్పే ప్రయత్నం చేశారు. దాంతో వారిపై శ్రీరెడ్డి విరుచుకు పడిన విషయం తెల్సిందే. శ్రీరెడ్డి ఎదురు దాడితో వారిద్దరు సైలెంట్‌ అయ్యారు.

తాజాగా మెడికల్‌ స్టూడెంట్‌ శ్పి రెడ్డి లైంగిక వేదింపుల వల్లే చనిపోయినట్లుగా విచారణలో వెళ్లడి అయిన కారణంగా శ్రీరెడ్డి మరోసారి లైంగిక వేదింపులు మరియు కాస్టింగ్‌ కౌచ్‌ పై సోషల్‌ మీడియా ద్వారా కామెంట్స్‌ చేసింది. శిల్ప రెడ్డి మరణంపై విచారణం వ్యక్తం చేసిన శ్రీరెడ్డి సందర్బం లేకున్నా కూడా మరోసారి రకుల్‌ ప్రీత్‌ సింగ్‌ మరియు మంచు లక్ష్మిలపై సంచలన వ్యాఖ్యలు చేసింది. మీటూ ఉద్యమం నేపథ్యంలో పలువురు మీటూకు మద్దతు పలుకున్న నేపథ్యంలో తాను ఉద్యమం చేసినప్పుడు మాత్రం ఎవరు ముందుకు రాలేదు అనేది శ్రీరెడ్డి ఆగ్రహంగా తెలుస్తోంది.

శ్రీరెడ్డి ఈమద్య కాలంలో ఎవరిపై ఎలాంటి కామెంట్స్‌ చేస్తుందో, చేయబోతుందో అర్థం కాని పరిస్థితి. ఎప్పుడు ఏదోలా మీడియాలో ఉండాలనే ఉద్దేశ్యమో లేక మరేంటో కాని శ్రీరెడ్డి ఒక వైపు తమిళ సినిమాతో బిజీగా ఉన్నా కూడా విమర్శలు పోస్ట్‌ చేయడం మాత్రం ఆపడం లేదు. శ్రీరెడ్డి ముందు ముందు మరెంత మందిని తన వ్యాఖ్యలతో దడపుట్టిస్తుందో చూడాలి.