భయంతో జీవించే వ్యక్తిని కాదంటున్న స్టార్ హీరోయిన్..!

'కెరటం' అనే చిన్న సినిమాతో టాలీవుడ్ లో హీరోయిన్ గా అడుగుపెట్టిన రకుల్ ప్రీత్ సింగ్.. స్టార్ హీరోలందరి సరసన నటించింది. తెలుగులో తక్కువ సమయంలోనే స్టార్ స్టేటస్ దక్కించుకున్న రకుల్.. కోలీవుడ్ - బాలీవుడ్ లలో కూడా సత్తా చాటింది. ఇటీవల రకుల్ కి సౌత్ లో ఆఫర్స్ బాగా తగ్గిపోయాయి. గతేడాది 'మన్మథుడు 2'.. ఇటీవల 'చెక్' సినిమాలలో నటించినా ఫలితం లేకుండా పోయింది. కాకపోతే రకుల్ కు హిందీలో వరుస అవకాశాలు వస్తున్నాయి కాబట్టి ఆమె కెరీర్ కు డోకా లేదనే చెప్పాలి.

ఇకపోతే సినీ కెరీర్ లో ఆమె ఎదుర్కొన్న స్ట్రగుల్స్ గురించి రకుల్ ని ప్రశ్నించినప్పుడు.. ప్రతిదానికి భయపడుతూ జీవించే వ్యక్తిని కాదని.. వచ్చిన అవకాశాలను సద్వినియోగం చేసుకుంటూ ముందుకు వెళ్లడమే తెలుసని సమాధానం చెప్పింది. “నేను భయంతో జీవించే వ్యక్తిని కాదు. నేను ఏమీ లేకుండా ఇండస్ట్రీకి వచ్చాను. చాలా మంది కోరుకునే సినిమాలు చేసే అవకాశం నాకు లభించింది. నాకు ఆపర్చునుటీ వచ్చింది.. నేను నా కలను నిజం చేసుకున్నాను'' అని రకుల్ ప్రీత్ చెబుతోంది.

రకుల్ ప్రీత్ సింగ్ ప్రస్తుతం మెగా హీరో పంజా వైష్ణవ్ తేజ్ - క్రిష్ జాగర్లమూడి కాంబినేషన్లో రూపొందుతున్న సినిమాలో హీరోయిన్ గా నటిస్తోంది. అలానే బాలీవుడ్ లో జాన్ అబ్రహాం హీరోగా నటిస్తున్న 'ఎటాక్' సినిమా చేస్తోంది. బిగ్ బి అమితాబ్ బచ్చన్ - అజయ్ దేవగన్ ప్రధాన పాత్రల్లో తెరకెక్కుతున్న 'మే డే' సినిమాలలో రకుల్ కీలక పాత్ర పోషిస్తోంది. అర్జున్ కపూర్ తో కూడా ఓ సినిమాలో నటిస్తోంది. తమిళ్ లో శివ కార్తికేయన్ సరసన 'అయలాన్' చిత్రంలోనూ రకుల్ నటించనుందని సమాచారం.