త్రివిక్రమ్ తో హ్యాట్రిక్ సినిమా చేయనున్న స్టార్ హీరోయిన్..!!

ప్రస్తుతం టాలీవుడ్ ఇండస్ట్రీలో హీరోయిన్ పూజా హెగ్డే హవా మాములుగా లేదు. వరుస సినిమాలతో బిజీ బిజీగా గడుపుతుంది. 'అరవింద సమేత', గడ్డలకొండ గణేష్, మహర్షి లాంటి భారీ విజయాల తర్వాత తన హిట్లను కొనసాగిస్తూ గతేడాది త్రివిక్రమ్ దర్శకత్వంలో తెరకెక్కిన 'అల వైకుంఠపురంలో' సినిమాతో ఇండస్ట్రీ హిట్ అందుకుంది. ప్రస్తుతం అమ్మడి చేతిలో డార్లింగ్ ప్రభాస్ హీరోగా తెరకెక్కుతున్న రాధేశ్యామ్ సినిమా కూడా ఉంది. రాధేశ్యామ్ తో పాటు అఖిల్ హీరోగా నటిస్తున్న 'మోస్ట్ ఎలిజిబుల్ బ్యాచిలర్'  మూవీ షూటింగ్ కూడా ఈ భామ కంప్లీట్ చేసుకుందట.  ఇవేగాక బాలీవుడ్ స్టార్ హీరో రన్వీర్ సింగ్ సరసన 'సర్కస్' సినిమా షూటింగులో పాల్గొంది అమ్మడు. ఇదివరకే కండలవీరుడు సల్మాన్ ఖాన్ తో 'కబీ ఈద్ కబీ దీవాలి' సినిమా ఓకే చేసిన సంగతి తెలిసిందే.

ప్రస్తుతం అయితే పూజాహెగ్డే చేతిలో ఈ నాలుగు క్రేజీ ప్రాజెక్ట్స్ ఒక్కొక్కటిగా రెడీ అవుతున్నాయి. ఇదిలా ఉండగా.. ఈ అమ్మడి హవాను కంటిన్యూ చేస్తూ తాజాగా మరో సినిమా ఓకే చేసినట్లు చెప్పకనే చెప్పేసింది పూజా. అరవింద సమేత తర్వాత ఎన్టీఆర్, త్రివిక్రమ్ కాంబినేషన్ లో తెరకెక్కనున్న మూవీ 'అయినను పోయిరావలే హస్తినకు'. భారీ అంచనాల మధ్య రెడీ కాబోతున్న ఈ సినిమాలో పూజా హెగ్డే హీరోయిన్ గా ఓకే అయిందని తెలుస్తుంది. తాజాగా జరిపిన అల వైకుంఠపురంలో రీయూనియన్ ప్రోగ్రాంలో ఈ అమ్మడు నెక్స్ట్ త్రివిక్రమ్ సినిమా చేయబోతున్నాడు తొందరపడి చెప్పేసింది. ఇంకేముంది త్రివిక్రమ్ నెక్స్ట్ సినిమా ఎన్టీఆర్ తో కాబట్టి వీరి సెకండ్ కాంబినేషన్ ఓకే అయిందని అనుకోవచ్చు. అరవిందసమేత కోసం త్రివిక్రమ్, ఎన్టీఆర్, పూజా జతకట్టారు. మరోసారి ఈ కాంబో సెట్ అవ్వడం ఫ్యాన్స్ కొంచం ఊరట. కానీ త్రివిక్రమ్ తో పూజాకిది మూడో సినిమా. చూడాలి మరి అమ్మడిని ఈసారి ఎలా చూపిస్తాడో..!!