ఆ ముద్దు వెనుక అంత కథుంది

రామ్ చరణ్ లేటెస్ట్ మూవీ రంగస్థలం బ్లాక్ బస్టర్ దిశగా దూసుకుపోతోంది. సినిమాలో ఎమోషన్స్.. క్యారెక్టరైజేషన్లు పర్ ఫెక్ట్ గా కుదరడంతో అన్ని వర్గాల ప్రేక్షకుల నుంచి మంచి ఆదరణ వస్తోంది. ఓవైపు 80లలో పల్లెల్లో రాజకీయ పరిస్థితులను చూపిస్తూనే మరోవైపు రామ్ చరణ్ - సమంతల మధ్య ప్రేమను  ఆకట్టుకునేలా తీసి ఆహా అనిపించుకున్నాడు డైరెక్టర్ సుకుమార్.

ముఖ్యంగా ఇంటర్వెల్ కు ముందు హీరో రామ్ చరణ్ కు తన ప్రేమను ఎలా చెప్పాలో తెలియక హీరోయిన్ ముద్దుతో తెలియజేసే సన్నివేశం అందరినీ తెగ ఆకట్టుకుంది. డైరెక్టర్ సుకుమార్ కూడా రంగస్థలం మూవీలో తనకు లవ్ ట్రాక్ అంతా బాగా నచ్చిందని.. అందునా ఈ సీన్ బాగా నచ్చిందని చెప్పుకొచ్చాడు. ఈ సీన్ తీసేటప్పుడు ముందు రీ రికార్డింగ్ అంతా ఆపేశామని.. కరెక్ట్ గా సమంత చెర్రీకి ముద్దు పెట్టినప్పటి నుంచి తిరిగి స్టార్ట్ చేశామని చెప్పాడు. ఆ సీన్ ముందు ఉన్న ఎమోషన్ వల్లే బాగా కనెక్ట్ అయిందని సుకుమార్ ఫీలయ్యాడు.

ఈ సీన్ మొత్తం 45 నిమిషాల్లో పూర్తి చేశానని చిత్రీకరణ వెనుక సుకుమార్ ఫ్లాష్ బ్యాక్ చెప్పుకొచ్చాడు. ముందు అనుకున్న సీన్ లేట్ అవడం వల్ల  అప్పటికప్పుడు సీన్ నెరేషన్ రెడీ చేసి అతి తక్కువ టైంలో షూటింగ్ పూర్తి చేశానన్నాడు. ఒక భారమైన ప్యూర్ లవ్ లో ఉండే ఫీల్ మొత్తం ఆఒక్క సీన్ లో చూపించాడు. అందుకే ఎంత ఫాస్టుగా సీన్ తీశారో అంతకన్నా ఫాస్టుగా ఆడియన్స్ హార్ట్ కు కనెక్ట్ అయిపోయింది.  ఆ ముద్దు వెనుక అంత కథుంది