అప్పటి ఆ నలుగురు.. ఇప్పుడు కలిసి..

90ల్లో దక్షిణాది ఫిలిం ఇండస్ట్రీలలో వెలిగిపోయిన వారిలో ఓ నలుగురు హీరోయిన్స్ బెస్ట్ ఫ్రెండ్స్. సుహాసిని.. రాధిక.. ఖుష్ బూ.. ఊర్వశి.. వీళ్లంతా అప్పట్లో క్రేజీ హీరోయిన్స్ కాగా.. ఇప్పటికీ అవకాశాలను బట్టి యాక్ట్ చేస్తున్నారు కూడా. అటు అందానికి.. ఇటు ట్యాలెంట్ కి కేరాఫ్ అడ్రస్ లా ఉండే ఈ నలుగురు సీనియర్ భామలు ఇప్పుడు సడెన్ గా వార్తల్లోకి వచ్చేశారు. ఇందుకు కారణం వీరంతా కలిసి ఓ సినిమా చేసేస్తున్నారనే టాక్ మొదలైపోయింది.

ఏటేటా నైంటీస్-రీ యూనియన్ పేరుతో పెద్ద పార్టీ ఏర్పాటు చేసి.. అప్పటి తరం నటులతో నానా  హంగామా చేసే వీరు.. ఇప్పుడు ఒకే మూవీలో చేయనుండడం హాట్ టాపిక్ గా మారిపోయింది. రియల్ లైఫ్ లో ఫ్రెండ్స్ అయిన వీరంతా.. సినిమాలో కూడా స్నేహితులుగానే నటించనున్నారట. అసలు అన్నిటికంటే పెద్ద విశేషం ఏంటంటే.. ఇప్పటివరకూ ఈ నలుగురు భామలు ఒక్కసారి కూడా యాక్ట్ చేసే అవకాశం రాలేదు. ఇప్పుడా ఛాన్స్ రాగానే.. ఎవరూ నో చెప్పలేదట.

జేమ్స్ వసంతన్ డైరెక్షన్ లో తెరకెక్కనున్న ఈ మూవీ షూటింగ్ మరి కొన్ని రోజుల్లోనే ఆస్ట్రేలియాలో ప్రారంభం కానుందట. బాలీవుడ్ మూవీ 'జిందగీ న మిలేగీ దుబారా' టైపులో ఫుల్ ప్లెడ్జెడ్ ఫన్నీగా ఈ మూవీ సాగనుందని తెలుస్తోంది. సింగిల్ షెడ్యూల్ లోనే కంప్లీట్ చేసేలా.. షూటింగ్ ప్లాన్ చేయడం విశేషం.