ప్రస్తుతం ఎండలు ఏ రేంజ్ లో మండిపోతున్నాయో చూస్తూనే ఉన్నాం. ఈ ఎండలకు తోడు నీటి సమస్య ఒకటి ప్రజలను వేధిస్తోంది. జనాలు చాలానే సొమ్ములను వాటర్ ట్యాంకర్ల కోసం వెచ్చించాల్సి వస్తోంది. ఈ ప్రాబ్లెంని తనదైన స్టైల్ లో ప్రెజెంట్ చేసి, నవ్వులు పూయించింది స్టార్ యాంకర్ సుమ.
ఊపిరి చిత్రంలో కార్తి వేసిన ఓ పెయింటింగ్ ను.. నాగార్జున భారీ రేటుకు అమ్మేస్తాడు. పిచ్చి గీతల్లో ఉన్న ఓ పిక్చర్ ని.. రెండు లక్షల రూపాయలకు ప్రకాష్ రాజ్ కు అమ్మేస్తాడు నాగ్. దీన్ని స్ఫూర్తిగా తీసుకుని.. తనే ఓ పెయింటింగ్ వేసేసింది సుమ. ఆ పెయింటింగ్ తో పాటు తను దిగిన ఫోటోని ఫేస్ బుక్ లో పోస్ట్ చేసి.. దాన్ని నాగార్జున కొనాల్సిందిగా రిక్వెస్ట్ చేసింది. అలా వచ్చిన డబ్బులతో.. ఓ వాటర్ ట్యాంకర్ కొనుక్కుంటానని చెప్పింది సుమ.
తన సెన్సాఫ్ హ్యూమర్ తో వాటర్ ప్రాబ్లెమ్ ను బాగానే ప్రొజెక్ట్ చేసింది సుమ. సుమ వేసిన ఈ పెయింటింగ్ కు, ఓ సమస్యపై ఆమె స్పందించిన తీరుకు.. సోషల్ మీడియా జనాల నుంచి అభినందనలు వస్తున్నాయి. అలాగే.. నాగ్ అండ్ ఊపిరి టీంని తన షోకి రావాల్సిందిగా కోరింది సుమ.