సునీల్ సేఫ్ అంట రాజా ?

రెండు రోజుల క్రితం రవితేజ కొత్త సినిమా డిస్కో రాజాలో సునీల్ వేస్తున్న పాత్రకు అల్లరి నరేష్ ను రీ ప్లేస్ చేసారన్న వార్త కాస్త గట్టిగానే షికారు చేసింది. యూనిట్ నుంచి ఎలాంటి అధికారిక ప్రకటన రానప్పటికీ కొన్ని విశ్వసనీయ వర్గాల మధ్య చర్చకు రావడంతో అందరూ నిజమే అనుకున్నారు. కాని తాజా అప్ డేట్ ప్రకారం అలాంటిదేమీ లేదట. ఇప్పటికే సునీల్ మీద కొన్ని కీలకమైన సన్నివేశాలు షూట్ చేశారు. మళ్ళి మార్పు అంటే రవితేజ అందుకు ఇష్టపడటం లేదట.

దానికి తోడు అల్లరి నరేష్ కు సునీల్ కు మధ్య మంచి ఫ్రెండ్ షిప్ ఉంది. అప్పుడెప్పుడో కెరీర్ ప్రారంభంలో చేసిన తొట్టి గ్యాంగ్ నుంచి గత ఏడాది వచ్చిన సిల్లీ ఫెలోస్ దాకా ఇద్దరు కలిసి నటించినవి ఎన్నో ఉన్నాయి. అందుకే అల్లరి నరేష్ కు ఆఫర్ ఇచ్చినా నో చెప్పే అవకాశాలే ఎక్కువగా ఉన్నాయి. ఇది కాకుండా దర్శకుడు విఐ ఆనంద్ మీద చాలా ఒత్తిడి ఉంది. ఒక్క క్షణం తర్వాత తనను తాను మళ్ళి రుజువు చేసుకోవాల్సిన డిఫెన్స్ లో పడ్డాడు.

అంతేకాదు రవితేజ సైతం గత సంవత్సరం ఏకంగా మూడు డిజాస్టర్లతో ప్రెజర్ ఫీలవుతున్నాడు. ఈ నేపధ్యంలో ఇప్పుడీ ఆర్టిస్ట్ చేంజ్ లాంటి తలనెప్పులు పెట్టుకునే ఉద్దేశం ఇద్దరికీ లేదని టాక్. రవితేజ మాత్రం సునీల్ ని కొనసాగించేందుకు మొగ్గు చూపడంతో ఇది ప్రతిపాదన దశలోనే ఆగిపోయిందని సమాచారం. ఇప్పటికీ ఆగుతూ సాగుతున్న డిస్కో రాజా మీద మాస్ మహారాజా ఫ్యాన్స్ చాలా నమ్మకం పెట్టుకున్నారు. ఈ ఏడాదిలోనే విడుదలకు ప్లాన్ చేసుకున్న డిస్కో రాజా డేట్ విషయంలో మాత్రం ఇప్పట్లో క్లారిటీ తెచ్చుకునే అవకాశం లేనట్టు కనిపిస్తోంది