జాన్ ఫ‌లితంపైనే పాన్ ఇండియా భ‌విష్య‌త్‌?

బాహుబ‌లి` త‌రువాత టాలీవుడ్ లో లార్జ‌ర్ దేన్ లైఫ్ సినిమాల లైన‌ప్ పెరిగిపోతోంది. తెలుగు సినిమా మార్కెట్ స్థాయి పెర‌గ‌డంతో బ‌డా నిర్మాత‌లంతా పాన్ ఇండియా చిత్రాల‌వైపు అడుగులు వేస్తున్నారు. ఇటీవ‌ల వ‌చ్చిన సైరా- సాహో చిత్రాలు మిశ్ర‌మ స్పంద‌న‌ల న‌డుమా కొన్ని కీల‌క మార్కెట్ల‌లో భారీ వ‌సూళ్ల‌ని సాధించ‌డం కూడా ఇందుకు ప్ర‌ధాన కార‌ణంగా క‌నిపిస్తోంది. దీనికితోడు సురేష్ ప్రొడ‌క్ష‌న్స్ ప్ర‌ఖ్యాత డిస్నీ సంస్థ‌తో క‌లిసి గుణ‌శేఖ‌ర్ ద‌ర్శ‌క‌త్వంలో `హిర‌ణ్యక‌శిప‌` చిత్రాన్నినిర్మిస్తున్న విష‌యం తెలిసిందే. టాలీవుడ్ స‌హా అన్ని భాష‌ల్లోనూ భారీ పాన్ ఇండియా చిత్రాల వెల్లువ పెర‌గ‌డం పోటీత‌త్వాన్ని ఆవిష్క‌రిస్తోంది. ఈ రేస్ లో ఇత‌రుల‌తో పోలిస్తే టాలీవుడ్ అంద‌రి కంటే ముందుంది.

అదే కాన్ఫిడెన్స్ తో టాలీవుడ్ లో మ‌రో భారీ బ‌డ్జెట్ సినిమాకు ప్లాన్ చేస్తున్నార‌ని తాజా స‌మాచారం. `సాహో` త‌రువాత డార్లింగ్ ప్ర‌భాస్ `జాన్` చిత్రంలో న‌టిస్తున్నారు. `సాహో` ఫ‌లితంతో కొంత సందిగ్ధంలో ప‌డిపోయిన ప్ర‌భాస్ క‌థ‌లో కొన్ని మార్పులు చేస్తున్నార‌ట‌. ఇందు కోస‌మే షూటింగ్ ని వాయిదా వేశార‌ని.. త్వ‌ర‌లోనే ప్రారంభించ‌బోతున్నార‌ని తెలిసింది. ఇదిలా వుంటే ప్ర‌భాస్ హీరోగా 200 కోట్ల భారీ వ్య‌యంతో ఓ సినిమా ప‌ట్టాలెక్కే అవ‌కాశం వుంద‌ని.. ఈ చిత్రానికి సురేంద‌ర్‌ రెడ్డి ద‌ర్శ‌క‌త్వం వ‌హించే అవ‌కాశం వుంద‌ని తెలుస్తోంది.

అయితే ఇది ఉంటుందా.. లేదా? అన్న‌ది `జాన్‌` సినిమా సాధించ‌బోయే విజ‌యంపై ఆధార‌ప‌డి వుంటుంద‌ట‌. ఆ చిత్రం జాన్ బ్లాక్ బ‌స్ట‌ర్ విజ‌యాన్ని సాధించి భారీ వ‌సూళ్ల‌ని సాధిస్తేనే సురేంద‌ర్ రెడ్డి ప్రాజెక్ట్ గురించి ఆలోచించాల‌ని.. అప్పుడే అత‌ను చెప్పిన బ‌డ్జెట్ ని కేటాయించాల‌ని మేక‌ర్స్ భావిస్తున్నార‌ట‌. అంటే `జాన్‌` ఫ‌లితం సురేంద‌ర్ రెడ్డి చిత్రాన్ని డిసైడ్ చేయ‌నుంద‌న్న మాట‌.