భార్య కోసం హీరో దోశ ఛాలెంజ్

ఐస్ బకెట్ ఛాలెంట్.. రైస్ బకెట్ ఛాలెంజ్ లు లాంటివి బాగా ఫేమస్ అయ్యాయి. రీసెంట్ గా తెలంగాణ ఐటీ మంత్రి కేటీఆర్.. హ్యాండ్యూమ్ ఛాలెంజ్ అంటూ పలువురు సెలబ్రిటీలను నామినేట్ చేసి.. ఈ ఛాలెంజ్ ను విస్తృతం చేస్తున్నారు. ఇప్పుడు సూర్య దోశ ఛాలెంజ్ అంటూ కొత్తగా ఓ కాన్సెప్ట్ మొదలుపెట్టడం అందరికీ ఆశ్చర్యం కలిగించింది.

తను దోసెలు వేస్తూ ఫోటో దిగడమే కాదు.. దోశ ఛాలెంజ్ అంటూ.. హీరోలు మాధవన్-వెంకట్ ప్రభులకు.. కంపోజర్స్ అయిన దేవిశ్రీ ప్రసాద్-హారిస్ జైరాజ్ లకు దోశఛాలెంజ్ విసిరాడు. దోశ విత్ లవ్ అంటూ క్యాప్షన్  కూడా పెట్టాడు. సడెన్ గా స్టార్ హీరో దోశ ఛాలెంజ్  మొదలుపెట్టడానికి అసలు కారణం ఏంటా అని ఆరా తీస్తే.. అది తన భార్య కోసం అనే విషయం జనాలకు అర్ధమైంది. ప్రస్తుతం జ్యోతిక 'మగలిర్ మట్టుం' అనే మూవీ చేస్తోంది. దీనికి ఆడాళ్లు మాత్రమే అని అర్ధం. ఇదేదో మహిళా హక్కుల టైపులో ఉంటుందే అనే టాక్ వచ్చింది.

దీంతో ఇలాంటి టాక్ ను తుడిచిపెట్టి.. కామెడీ మూవీ అనే ఫీలింగ్ కలిగేలా ఓ టీజర్ రిలీజ్ చేశారు. ఇందులో ప్రధాన పాత్రధారులు ఓ కారులో ప్రయాణిస్తూ.. తమ ఇంట్లో ఇన్నేళ్లలో ఎన్నేసి లక్షళ దోశలు వేశామో లెక్కలు వేసుకుంటూ ఉంటారు. ఇప్పుడా సినిమాకు ప్రచారం కోసమే.. ఇలా దోశ ఛాలెంజ్ ను స్టార్ట్ చేశాడు సూర్య. ఇప్పటికే దేవిశ్రీ.. వెంకట్ ప్రభు.. మాధవన్ లు ఈ దోశ ఛాలెంజ్ కు సై అన్నారు. మరి ఈ దోశ ఛాలెంజ్.. మగలిర్ మట్టుం సినిమాకు ఏ మాత్రం హెల్ప్ అవుతుందో చూడాలి.
Full View


Like Us on Facebook : https://www.facebook.com/Tupakidotcom/