రైతుల కోసం స్టార్ హీరో ఏం చేశాడో తెలుసా.?

తమిళ హీరో సూర్య మరోసారి తన మంచి మనసు చాటుకున్నారు. సాయం చేయడంలో వెనకడుగు వేసేది లేదని చాటిచెప్పాడు. సూర్య సినిమాల్లోనే కాదు.. బయట సామాజిక కార్యక్రమాల్లో కూడా ఎంతో యాక్టివ్ గా ఉంటారు.. సామాజికసేవను బాధ్యతగా తీసుకుంటారు. ఇప్పటికే సూర్య స్థాపించిన ‘అగరం’ ఫౌండేషన్ ద్వారా వేలాది మంది పేద పిల్లలకు ఉచితంగా విద్యనందిస్తున్నాడు. ఇంకా ఎందరికో స్కాలర్ షిప్ లు అందచేస్తున్నాడు. తమిళనాట ఎలాంటి విపత్తులు సంభవించినా వెంటనే స్పందించి తన వంతు సాయం చేస్తుంటాడు.

తాజాగా సూర్య తమిళనాడులోని రైతుల కోసం కోటిరూపాయల విరాఠం ప్రకటించారు. ఈ మొత్తాన్ని తన అగరం ఫౌండేషన్ ద్వారా రైతుల సంక్షేమం కోసం ఖర్చు చేయనున్నారు. ఈ మధ్యే ఆయన తన సోదరుడు కార్తి హీరోగా రైతుల నేపథ్యంలో ‘చినబాబు’ అనే సినిమాను కూడా నిర్మించాడు. ఆ సినిమా సక్సెస్ వేడుకలోనే ఈ కోటి రూపాయల విరాళాన్ని ప్రకటించారు. రైతుల కోసం సూర్య తీసుకున్న ఈ నిర్ణయం ప్రశంసలు అందుకుంటోంది.