సర్దార్ తో కానిది సింగం వల్ల అవుతుందా?

పవర్ ఫుల్ కాప్ స్టోరీతో ప్రేక్షకుల ముందుకు వచ్చేస్తున్నాడు కోలీవుడ్ హీరో సూర్య. తమిళనాడుతో పాటు సమానంగా.. తెలుగు రాష్ట్రాల్లో క్రేజ్ ఉన్న సూర్య నటించిన ఎస్3 మూవీపై అంచనాలు బాగానే ఉన్నాయి కానీ.. ప్రస్తుతం ట్రెండ్ చూస్తుంటే మాత్రం కాసిన్ని అనుమానాలు రేకెత్తిస్తోంది.

ప్రస్తుతం పోలీస్ స్టోరీల విషయంలో అంతగా బజ్ ఏర్పడ్డం లేదు. పవర్ స్టార్ పవన్ కళ్యాణ్ స్వయంగా తనే స్క్రిప్ట్ ప్రిపేర్ చేసుకుని.. గబ్బర్ సింగ్ లాంటి మూవీకి సీక్వెల్ టైపులో సర్దార్ గబ్బర్ సింగ్ చేస్తేనే.. జనాలకు పెద్దగా నచ్చలేదు. దీనికి ముందు సూపర్ స్టార్ మహేష్ బాబు నటించిన ఆగడు పరిస్థితి ఏంటో కూడా తెలిసిందే. మధ్యలో రామ్ చరణ్ ధృవ సక్సెస్ అయింది కానీ.. అది థ్రిల్లర్ జోనర్ లోని మూవీ. కంప్లీట్ గా కాప్ మూవీ కాదు. ఇప్పుడు సూర్య నటించిన సింగం3 సిట్యుయేషన్ ఏంటా అనే డౌట్స్ రెయిజ్ అవుతున్నాయి. మరోవైపు.. ఎస్3 కోసం ఫ్యాన్స్ తోపాటు పిల్లలు తెగ వెయిట్ చేసేస్తున్నారనే ప్రచారం ఒకటి జరుగుతోంది.

సూర్య సినిమాకి.. బుడతలకి లింక్ ఏంటంటే.. ఇందులో గన్స్ వాడకం ఎక్కువగా ఉంటుంది కాబట్టి వాళ్లకు నచ్చేస్తుందనేది వీరి వాదన. టాలీవుడ్ లో గన్నులు వాడకంతో వచ్చే సినిమాలు బోలెడన్ని ఉంటాయి. పవన్ చేసిన సర్దార్ కూడా ఈ బాపతుగానే ఉంటుంది. పైగా సింగం మొదటి రెండు భాగాలకు మాస్ నుంచి సపోర్ట్ వచ్చింది తప్ప పిల్లలెవరూ పెద్దగా ఉత్సాహం చూపించలేదు కదా.


Like Us on Facebook : https://www.facebook.com/Tupakidotcom/