#ET టీజ‌ర్: సూర్య నుంచి మాస్ యాక్ష‌న్ థ్రిల్ల‌ర్

`ఆకాశం నీ హ‌ద్దురా` చిత్రంతో బ్లాక్ బ‌స్ట‌ర్ అందుకున్న‌ సూర్య వ‌రుస చిత్రాల‌కు సంత‌కాలు చేసిన సంగ‌తి తెలిసిందే. కొన్ని వ‌ర‌స ప‌రాజ‌యాల త‌ర్వాత సుధ కొంగ‌ర రూపంలో లేడీ డైరెక్ట‌ర్ త‌న‌కు అద్భుత విజ‌యాన్ని ఇవ్వ‌డంతో సూర్య అటుపై మ‌రింత కాన్ఫిడెంట్ గా వ‌రుస చిత్రాల్లో న‌టిస్తూ బిజీ అయ్యాడు.

నిర్మాత‌గా జ్యోతిక‌తో  కలిసి సినిమాల‌ను నిర్మిస్తున్నాడు. ఇంత‌కుముందు  #ET టైటిల్ పోస్ట‌ర్ ని రిలీజ్ చేసారు. ఎథ‌ర‌క్కుమ్ తునిన్ద‌వ‌న్ (ఇటి) టైటిల్ పోస్ట‌ర్ ని రిలీజ్ చేసి విషెస్ తెలిపారు. పాండిరాజ్ ఈ చిత్రానికి ద‌ర్శ‌క‌త్వం వ‌హిస్తున్నారు.

ఇందులో స‌త్య‌రాజ్ లాంటి సీనియ‌ర్ ఓ కీల‌క పాత్ర‌ను పోషిస్తున్నారు. ర‌త్న‌వేలు సినిమాటోగ్ర‌ఫీ అందిస్తున్నారు. ఇమాన్ సంగీతం అందిస్తున్నారు. ప్రియాంక మోహ‌న్ క‌థానాయిక‌గా న‌టిస్తోంది.#ET #ఈటి #ಈಟಿ #ഇറ്റി #ईटी అంటూ నాలుగు టైటిల్స్ తో ఇప్ప‌టికే పాన్ ఇండియా రిలీజ్ అని వెల్ల‌డించారు.

#ET అంటూ రెండ‌క్ష‌రాల టైటిల్ ని సూర్య టీమ్ వైర‌ల్ గా ప్ర‌మోట్ చేస్తున్నారు. పాండిరాజ్ లాంటి అవార్డ్ రేంజ్ డైరెక్ట‌ర్ తెర‌కెక్కిస్తున్న సినిమాగా ఈటీకి అంతే బ‌జ్ ఉంది.

తాజాగా ఈటీ టీజ‌ర్ రిలీజైంది. రానా ద‌గ్గుబాటి టీజ‌ర్ ని లాంచ్ చేశారు. ఒక నిమిషం నిడివి ఉన్న టీజ‌ర్ దూసుకెళుతోంది. మార్చి 10న ఈ చిత్రం అత్యంత భారీగా నాలుగు భాష‌ల్లో విడుద‌ల‌వుతోంది. సూర్య నుంచి మ‌రో మాస్ యాక్ష‌న్ ధ‌మాకా థ్రిల్ల‌ర్ రానుంద‌ని ఈ టీజ‌ర్ చెబుతోంది. సూర్య పూర్తిగా లుంగీ క‌ట్టుతో మాస్ యాక్ష‌న్ తో మెరుపులు మెరిపిస్తున్నాడు.

సింగం సిరీస్ త‌ర్వాత మ‌ళ్లీ అలాంటి ప‌వ‌ర్ ప్యాక్డ్ యాక్ష‌న్ తో ట్రీటివ్వ‌నున్నాడ‌ని ఈ టీజ‌ర్ చెబుతోంది. ఇక ఇందులోనే ఫ్లాష్ బ్యాక్ ఎపిసోడ్స్ .. అందులో సూర్య జాన‌పద గెట‌ప్ ప్ర‌త్యేక‌మైన ట్విస్ట్ అని అర్థ‌మ‌వుతోంది. మ‌న‌తో ఉన్నోళ్లు భ‌య‌ప‌డ‌కూడ‌దు! అంటూ చెప్పిన డైలాగ్ ని బ‌ట్టి ఇది లోక‌ల్ గ్యాంగ్ స్ట‌ర్ త‌ర‌హా కంటెంట్ తో వ‌స్తోంద‌ని కూడా అర్థ‌మ‌వుతోంది.

Full View