స్వాతి సినిమా.. లండన్ బాబులు

‘కలర్స్’ ప్రోగ్రాంలో క్యూట్ క్యూట్ మాటలతో తెలుగు రాష్ట్రాల్లో చాలామంది అభిమానుల్ని సంపాదించుకున్న స్వాతి.. తర్వాత కథానాయికగానూ మెప్పించింది. కానీ గత కొన్నేళ్లలో డౌన్ అవుతూ వచ్చిన ఆమె కెరీర్ ‘త్రిపుర’తో చరమాంకానికి చేరినట్లే కనిపించింది. ఆ సినిమా తర్వాత ఏడాదిన్నర పాటు అడ్రస్ లేదు స్వాతి. ఐతే ఎట్టకేలకు తెలుగులో మళ్లీ ఆమె ఓ సినిమా చేసింది. ఆ సినిమా చడీచప్పుడు లేకుండా షూటింగ్ పూర్తి చేసేసుకుంటోంది. ఈ సినిమా టైటిల్.. ఫస్ట్ లుక్ పోస్టర్ శనివారమే లాంచ్ చేశారు.

‘లండన్ బాబులు’ అనే టైటిల్ తో రాబోతున్న ఈ సినిమా ఫస్ట్ లుక్ మంచి ఇంప్రెషనే కలిగిస్తోంది. ‘త్రిపుర’తో పోలిస్తే స్వాతి లుక్ ఇందులో చాలా బెటర్ గా కనిపిస్తోంది. కొత్త హీరో రక్షిత్ కూడా బాగానే ఉన్నాడు. వీడు తేడా.. బ్రదరాఫ్ బొమ్మాళి లాంటి సినిమాలు తీసిన యాక్టర్ టర్న్డ్ డైరెక్టర్ చిన్నికృష్ణ ఈ చిత్రానికి దర్శకత్వం వహిస్తున్నాడు. కొంత కాలంగా ప్రొడక్షన్ కు దూరంగా ఉన్న డైరెక్టర్ మారుతి.. ‘మారుతి టాకీస్’ బేనర్ మీద ఈ చిత్రాన్ని నిర్మిస్తుండటం విశేషం.

తమిళంలో సూపర్ హిట్టయిన ‘ఆండవన్ కాట్టలై’ సినిమాకు ఇది రీమేక్. అందుకే సినిమాను చాలా వేగంగా లాగించేస్తున్నట్లున్నారు. ‘కాకా ముట్టై’ సినిమాతో నేషనల్ అవార్డు అందుకున్న మణికందన్ దర్శకత్వం వహించిన సినిమా ‘ఆండవన్ కాట్టలై’. విజయ్ సేతుపతి-రితికా సింగ్ జంటగా నటించారు. పాస్ పోర్ట్.. వీసా బ్రోకర్ల మోసాల నేపథ్యంలో ఈ సినిమా సాగుతుంది.

Like Us on Facebook : https://www.facebook.com/Tupakidotcom/