వేర్ ఈజ్ పుష్ప కాదు వేర్ ఈజ్ ఆర్జీవి..?

పుష్ప 2 నుంచి ఫస్ట్ సుకుమార్ రిలీజ్ చేసిన టీజర్ తెలిసిందే. అందులో వేర్ ఈజ్ పుష్ప అంటూ నానా హడావిడి కనిపిస్తుంది. అఫ్కోర్స్ చివర్లో పుష్ప రాజ్ అడవుల్లో ఉన్నట్టు పులి కూడా దాన్ని చూసి పారిపోయినట్టు చూపిస్తాడు. ఇప్పుడు తెలుగు రెండు రాష్ట్రాల్లో కూడా అందరు వేర్ ఈజ్ పుష్ప బదులుగా వేర్ ఈజ్ ఆర్జీవి అంటున్నారు. గతంలో చంద్రబాబు, పవన్ కళ్యాణ్ ల మీద అనుచిత వ్యాఖ్యలు చేశాడని రామ్ గోపాల్ వర్మ కు ఏపీ ప్రకాశం జిల్లా మద్దిపాడు పోలీసులు నోటీసులు ఇచ్చారు. రెండోసారి కూడా పోలీసుల నుంచి ఆర్జీవికి నోటీసులు వచ్చాయి.

పోలీసులు ఇప్పటికే హైదరాబాద్ లోని ఆర్జీవి ఆఫీస్ కి వెళ్లి అక్కడ ఆయన కోసం వెతికారు. ఐతే ఆర్జీవి తప్పించుకుని తిరుగుతున్నాడని ఆరోపణలు వచ్చాయి. ఆర్జీవి తాను ఎక్కడికి వెళ్లలేదు షూటింగ్ బిజీలో ఉన్నానని.. తాను ఏమి భయపడి వణికిపోవడం లేదని వీడియో మెసేజ్ ఇచ్చాడు. ఐతే ఆర్జీవి ఎక్కడ ఉండి ఆ మెసేజ్ ఇచ్చాడని పోలీసులు విచారణ నిర్వహిస్తున్నారు.

గత ఐదేళ్లుగా ఆర్జీవి తన సినిమాలతో అప్పటి ప్రతిపక్షం టీడీపీని టార్గెట్ చేశారు. నిజరూప పాత్రలను సినిమాటిక్ ఎక్స్ ప్రెషన్ అంటూ హడావిడి చేశాడు. ఐతే ప్రస్తుతం ఏపీలో కూటమి ప్రభుత్వం అధికారంలోకి వచ్చింది. చంద్రబాబు, పవన్ కళ్యాణ్ పై వ్యక్తిగతంగా టార్గెట్ చేసిన వారిపై చట్టపరమైన చర్యలకు సిద్ధమయ్యారు.

పోలీసులకు దొరికితే ఆర్జీవిని అరెస్ట్ చేస్తారా.. ఆర్జీవి ఎందుకు పోలీసులకు చిక్కకుండా తిరుగుతున్నాడు లాంటి విషయాల మీద క్లారిటీ రావాల్సి ఉంది. ఆర్జీవి గొప్ప దర్శకుడే కానీ రాజకీయ పరమైన విషయాల్లో అతని సినిమాలు అతని ఎక్స్ ప్రెషన్స్ కొందరిని తీవ్రంగా బాధపెట్టాయి. ఐతే విచారణలో పాల్గొని నిజానిజాలు వెల్లడించాల్సిన అవసరం ఉంది కానీ ఇలా ఎన్నాళ్లు తప్పించుకుని తిరుగుతారంటూ ప్రజలు మాట్లాడుకుంటున్నారు.

ఆర్జీవిని అరెస్ట్ చేసే అవకాశం ఉందనే అతని లాయర్ ముందస్తు బెయిల్ కు అప్లై చేశారని వార్తలు వస్తున్నాయి. మరి ఈ విషయం ఎటు వెళ్తుంది. ఆర్జీవి పోలీసులకు దొరుకుతాడా ఎన్నాళ్లు అలా దొరక్కుండా ఉంటాడన్నది ఆసక్తికరంగా మారింది.