నా అందం వికసించడానికి అదే కారణం

తాప్సీ పన్ను ఈ మధ్య చాలా అందంగా కనిపిస్తోంది. మామూలుగానే అందగత్తె అయినా.. కొన్ని నెలలుగా మాత్రం ఈమె అందం రెట్టింపయ్యింది. రీసెంట్ గా మాక్జిమ్ కవర్ పేజ్ పై ఇచ్చిన హాట్ పోజ్ మాత్రం.. అందరినీ ఆశ్చర్యపరిచింది. ఇంత అందంగా తాప్సీ ఎప్పుడూ కనిపించలేదని అందరూ అనుకోవాల్సి వచ్చింది. మరి ఇంతగా మార్పులు రావడానికి కారణమేంటి అంటే మాత్రం.. మిగిలిన వారు చెప్పడం కష్టం. అందుకే ఆ విషయాన్ని తాప్సీ అడిగేశారు. దీనికి అమ్మడి నుంచి షాకింగ్ రిప్లై వచ్చింది.

'అంటే.. నేను ఇంతకు ముందు లేనా' అనేసింది తాప్సీ. దీంతో ప్రశ్న అడిగిన వారు షాక్ తిన్నా, మరోసారి రెట్టించారు. ఈసారి నవ్వేసి అసలు విషయాన్ని మొదలుపెట్టింది ఈ భామ. 'మీరు అడిగిన ప్రశ్నకు రొటీన్ సమాధానం చెప్పాలంటే చాలా ఉంటాయి. ముంబై గాలి నాకు బాగా వంట బట్టింది అనో, నా జీవితంలో అత్యంత ఆనందం ఇచ్చే టైం ఇదే అనో అనచ్చు. కానీ నిజాయితీగా చెప్పాలంటే మాత్రం ఇలా అందంగా కనిపించాలని నేను ఎలాంటి ప్లాన్స్ వేసుకోలేదు. ప్రస్తుతం నా వయసు కారణంగా ఇలా సొగసు మెరుస్తూ ఉండొచ్చు. గతంలో కంటే ఇప్పుడు నేను మానసికంగా, శారీరకంగా చాలా స్ట్రాంగ్ అయ్యాను' అంటోంది ఈ 28 ఏళ్ల ఢిల్లీ సుందరి.

అయితే.. ప్రస్తుతం స్క్వాష్ బాగా ఆడేస్తుండడంతోపాటు.. డైట్ విషయంలో కూడా కొన్ని మార్పులు చేసిందట. అందుకే శరీరంలో అనవసర కొవ్వు తగ్గి, ఎముకలు కండరాలు స్ట్రాంగ్ గా అయ్యాయట. కాసింత సన్నగా కనిపిస్తున్నా కానీ.. నేను లాస్ట్ ఇయర్ కంటే ఒక్క కిలో కూడా బరువు తగ్గలేదు, అంతే ఉన్నా తెలుసా అంటోంది తాప్సీ పన్ను.