జయం ముందు బాహుబలి దిగదుడుపేనట..

డైరెక్టర్ తేజ చాలా ముక్కుసూటిగా మాట్లాడతాడన్న సంగతి తెలిసిందే. ఐతే ఆయన సినిమాలు సక్సెస్ అవుతున్నపుడు ఏం మాట్లాడినా చెల్లిపోయింది. కానీ వరుసగా ఫెయిల్యూర్స్ ఎదురైనపుడు అతిగా మాట్లాడితే చాలా కష్టం. అందుకేనేమో మధ్యలో సైలెంటైపోయాడు. ఐతే ఈ మధ్య ఆయన మళ్లీ ఒకప్పటిలా మాట్లాడుతున్నాడు. ఈ ముక్కుసూటి తనం, అగ్రెసివ్ నెసే తన బలమని.. వాటిని కట్టిపెట్టేయడం వల్లే తన సినిమాలు కూడా ఫెయిలవుతున్నాయని అంటూ.. తన కొత్త సినిమా ‘హోరాహోరీ’ ఆడియో ఫంక్షన్లో సంచలన వ్యాఖ్యలు చేశాడు తేజ. గత పదేళ్లుగా టాలీవుడ్ లో రెండే రకాల సినిమాలు వస్తున్నాయంటూ ఈ తరం రచయితలు, దర్శకులు అందరి మీద సెటైర్ వేసేశాడు తేజ.

అంతటితో ఆగకుండా తాజాగా ఓ ఇంటర్వ్యూలో మరింత సంచలనం రేపు వ్యాఖ్యలు చేశాడు తేజ. ప్రస్తుత స్టార్ హీరోలకు కథల్ని గౌరవించే సంస్కారం లేదని తేజ అన్నాడు.  తమ స్టార్ స్టేటస్ ను శాటిస్ఫై చేసే కథల్నే హీరోలు ఎంచుకుంటున్నారని.. అంతే తప్ప ఓ కథలో బలాన్ని బట్టి అంగీకరించే పరిస్థితి లేదని తేజ అన్నాడు. దీనికి ఉదాహరణ చెబుతూ.. ‘గజిని’ సినిమాను తెలుగులో రీమేక్ చేయాలని చాలా మంది హీరోల్ని అడిగినా ఎవ్వరూ ఒప్పుకోలేదని.. దీన్ని బట్టే మన స్టార్ హీరోలు ఎలాంటి కథలకు ప్రాధాన్యమిస్తారో అర్థమవుతుందని చెప్పాడు తేజ. ఐతే ఇవన్నీ ఓకే కానీ.. బాహుబలి విషయంలో తేజ చేసిన కామెంట్లే అన్నింటికన్నా ఆసక్తికరం. టాలీవుడ్ లో బ్లాక్ బస్టర్ హిట్లుగా నిలిచిన జయం, మగధీర, బాహుబలి సినిమాల గురించి ఫీడ్ బ్యాక్ కోసం చాలామంది జనాలతో మాట్లాడే ప్రయత్నం చేశానని.. ఐతే అందులో ఎక్కువమంది జయం సినిమా చూశారు కానీ.. బాహుబలి చూడలేదని.. జయం సినిమాకే ఎక్కువ టికెట్లు తెగాయని తనకర్థమైందని తేజ చెప్పాడు. అంటే తన ‘జయం’ సినిమా ముందు ‘బాహుబలి’ దిగదుడుపే అని తేజ  అంటున్నట్లేగా?