సినీ అభిమానులకు దిగ్గజ దర్శకుడు కోడి రామకృష్ణ గురించి ప్రత్యేక పరిచయాలు అవసరం లేదు. సెంటిమెంట్ - భక్తికి గ్రాఫిక్స్ జోడించి ట్రెండ్ క్రియేట్ చేసిన దర్శకుడాయన. సెంటిమెంట్ గా తలకు తెల్లటి బ్యాండ్ కట్టుకొని ఎన్నో అద్భుతమైన విజయవంతమైన చిత్రాలను ప్రేక్షకులకు అందించారు. 30 ఏళ్ల సినీ ప్రస్థానంలో తెలుగుతో పాటు తమిళ, మలయాళ, హిందీ భాషల్లో 100కు పైగా సినిమాలు రూపొందించి మెప్పించిన కోడి రామకృష్ణ.. రెండేళ్ల క్రితం ఈ లోకం విడిచి వెళ్లారు. అయితే ఇప్పుడు లెజండ‌రీ దర్శకుడి పెద్ద కుమార్తె కోడి దివ్య దీప్తి నిర్మాతగా ఇండస్ట్రీలో అడుగుపెడుతున్నారు.
'కోడి దివ్య ఎంటర్టైన్మెంట్స్' అనే ప్రొడక్షన్ హౌస్ ను స్థాపించి సినిమాల నిర్మాణం చేపట్టనున్నట్లు దివ్య ప్రకటించారు. తొలి ప్రయత్నంగా కోడి రామకృష్ణ సమర్పణలో కార్తీక్ శంక‌ర్ అనే నూత‌న దర్శకుడిని ఇండస్ట్రీకి పరిచయం చేస్తూ ప్రొడక్షన్ నెం.1 ని ఈరోజు మంగళవారం అధికారికంగా ప్రకటించారు. ఈ సినిమాలో నటించే నటీనటులు - సాంకేతిక నిపుణుల వివరాలు జూలై 15న ఉదయం 9 గంటలకు తెలియజేస్తామని మేకర్స్ వెల్లడించారు. టాలీవుడ్ లోని ఓ అప్ క‌మింగ్ హీరోతో ఈ సినిమా రూపొందుతుందని సమాచారం. అనేక విజయాలను అందుకున్న తండ్రి కోడి రామకృష్ణ బాటలో.. కోడి దివ్య దీప్తి నిర్మాతగా సక్సెస్ అందుకుంటారేమో చూడాలి.
కాగా, 'ఇంట్లో రామయ్య వీధిలో కృష్ణయ్య' సినిమాతో దర్శకుడిగా పరిచయమైన కోడి రామకృష్ణ.. 'మంగమ్మగారి మనవడు' 'ఆగ్రహం' 'ఆహుతి' 'శత్రువు' 'అమ్మోరు' 'ముద్దుల మావయ్య' 'పెళ్లి' 'దొంగాట' 'అంజి' 'దేవీపుత్రుడు' 'దేవి' 'దేవుళ్లు' 'అరుంధతి' వంటి చిత్రాలను తెలుగు ప్రేక్షకులకు అందించారు. అర్జున్‌ - భానుచందర్‌ - సుమన్‌ - జీవిత వంటి ఎందరో నటీనటులను ఇండస్ట్రీకి ఇంట్రడ్యూస్ చేశారు.
'కోడి దివ్య ఎంటర్టైన్మెంట్స్' అనే ప్రొడక్షన్ హౌస్ ను స్థాపించి సినిమాల నిర్మాణం చేపట్టనున్నట్లు దివ్య ప్రకటించారు. తొలి ప్రయత్నంగా కోడి రామకృష్ణ సమర్పణలో కార్తీక్ శంక‌ర్ అనే నూత‌న దర్శకుడిని ఇండస్ట్రీకి పరిచయం చేస్తూ ప్రొడక్షన్ నెం.1 ని ఈరోజు మంగళవారం అధికారికంగా ప్రకటించారు. ఈ సినిమాలో నటించే నటీనటులు - సాంకేతిక నిపుణుల వివరాలు జూలై 15న ఉదయం 9 గంటలకు తెలియజేస్తామని మేకర్స్ వెల్లడించారు. టాలీవుడ్ లోని ఓ అప్ క‌మింగ్ హీరోతో ఈ సినిమా రూపొందుతుందని సమాచారం. అనేక విజయాలను అందుకున్న తండ్రి కోడి రామకృష్ణ బాటలో.. కోడి దివ్య దీప్తి నిర్మాతగా సక్సెస్ అందుకుంటారేమో చూడాలి.
కాగా, 'ఇంట్లో రామయ్య వీధిలో కృష్ణయ్య' సినిమాతో దర్శకుడిగా పరిచయమైన కోడి రామకృష్ణ.. 'మంగమ్మగారి మనవడు' 'ఆగ్రహం' 'ఆహుతి' 'శత్రువు' 'అమ్మోరు' 'ముద్దుల మావయ్య' 'పెళ్లి' 'దొంగాట' 'అంజి' 'దేవీపుత్రుడు' 'దేవి' 'దేవుళ్లు' 'అరుంధతి' వంటి చిత్రాలను తెలుగు ప్రేక్షకులకు అందించారు. అర్జున్‌ - భానుచందర్‌ - సుమన్‌ - జీవిత వంటి ఎందరో నటీనటులను ఇండస్ట్రీకి ఇంట్రడ్యూస్ చేశారు.