ట్రైలర్ టాక్: టైగర్ ఈజ్ బ్యాక్!

బాలీవుడ్ కండలవీరుడు సల్మాన్ ఖాన్ ఈ ఏడాది ఇప్పటికే ఓసారి ట్యూబ్ లైట్ అంటూ ప్రేక్షకుల ముందుకు వచ్చాడు. కానీ ఈ మూవీ జనాలను ఆకట్టుకోవడంలో పూర్తిగా విఫలం అయింది. అసలు సల్మాన్ స్థాయిలో కాదు కదా.. కనీస మాత్రంగా కూడా ఈ మూవీ ఆడియన్స్ కు రీచ్ కాలేదు.

అయితే.. ఇప్పుడు ఇదే ఏడాది సల్మాన్ మరో సినిమాతో ప్రేక్షకుల ముందుకు వచ్చేస్తున్నాడు. గతంలో వచ్చిన ఏక్ థా టైగర్ కు సీక్వెల్ గా తెరకెక్కిన టైగర్ జిందా హై మూవీని.. క్రిస్మస్ సందర్భంగా రిలీజ్ చేయనున్నాడు. ఇప్పుడీ మూవీకి థియేట్రికల్ ట్రైలర్ ను రిలీజ్ చేయగా.. ఏజంట్ టైగర్ గా అదరగొట్టే యాక్షన్ చూపించాడు సల్మాన్. తన స్ట్రెంగ్త్ అయిన యాక్షన్ జోనర్ మూవీ కావడంతో.. సల్మాన్ రెచ్చిపోయి మరీ యాక్ట్ చేసేశాడని చెప్పాలి. కాకపోతే.. ఈ సారి ఇరాక్ లో టైగర్ మిషన్ ఉంటుంది. 25 మంది భారతీయ నర్సులను.. ప్రపంచంలోనే అత్యంత క్రూరమైన గ్రూప్ నుంచి కాపాడాల్సి ఉంటుంది. ఈ ప్రయాణంలో పాకిస్తానీ ఏజంట్ అయిన కత్రినా కైఫ్ కూడా జత కలుస్తుంది. టైగర్ జిందా హై మూవీలో కత్రినాతో కూడా స్టంట్స్ సూపర్బ్ గా చేయించేశారు.

ఇద్దరూ కలిసి విలన్స్ ను ఎలా ఉతికి ఆరేశారన్నదే మూవీ. 3 నిమిషాలకు పైగా నిడివి ఉన్న ట్రైలర్ లో.. సల్మాన్ తన స్టైల్ పంచ్ డైలాగ్స్ తో అలరించాడు. అందాల డ్యూటీ కత్రినా కైఫ్ సమర్ధంగా నిర్వహించగా.. ఈ చిత్రంలో గన్స్ ను ఉపయోగించిన తీరు.. వాటితో సల్మాన్ నటించిన విధానం చూస్తే ఆశ్చర్యం వేయాల్సిందే.

Full View