టైటిల్ లొల్లి: నాని గ్యాంగ్ అలా ఝ‌ల‌క్

ఫిలింఛాంబ‌ర్ లో టైటిళ్ల‌ వివాదాలు అంత‌కంత‌కు ముదురుతున్న‌ సంగ‌తి తెలిసిందే. ప్ర‌స్తుతం `గ్యాంగ్ లీడ‌ర్` అనే టైటిల్ కోసం రెండు బ్యాన‌ర్లు పోటీ ప‌డుతున్నాయి. నేచుర‌ల్ స్టార్ నాని క‌థానాయ‌కుడిగా విక్ర‌మ్.కె.కుమార్ ద‌ర్శ‌క‌త్వం వ‌హిస్తున్న చిత్రానికి `గ్యాంగ్ లీడ‌ర్` అనే టైటిల్ ఇప్ప‌టికే పాపుల‌రైంది. అయితే అంత‌కుముందే ఈ టైటిల్ ని చాంబ‌ర్ లో రిజిస్ట‌ర్ చేయించామంటూ ఇదివ‌ర‌కూ వేరొక నిర్మాత ఫిర్యాదు చేశారు. ఆ టైటిల్ తో సినిమా కూడా తీస్తున్నామ‌ని తెలిపారు. నాని గ్యాంగ్ ఈ టైటిల్ ని అన్యాయంగా త‌మ నుంచి కొట్టేయాల‌నుకుంటోంద‌ని ఆరోపించారు. ఆ ఆరోప‌ణ‌ల అనంత‌రం నాని సినిమాకి టైటిల్ ని మారుస్తున్నార‌ని ప్ర‌చార‌మైంది.

అయితే ఇప్ప‌టివ‌ర‌కూ విక్ర‌మ్.కె- మైత్రి బృందం నుంచి టైటిల్ విష‌య‌మై ఎలాంటి స్ప‌ష్ఠ‌త లేదు. ఎట్ట‌కేల‌కు టైటిల్ ని ఫైన‌ల్ గా మార్చాల‌ని నిర్ణ‌యించారు. గ్యాంగ్ లీడ‌ర్ అన్న‌ది య‌థాత‌థంగా ఉంటుంది. దానికి ముందు `నాని` అన్న‌ది చిన్న‌గా క‌నిపిస్తుంద‌ట లోగోలో. అంటే దీనిని `నాని గ్యాంగ్ లీడ‌ర్` అని పిల‌వాల్సి ఉంటుంద‌ని తెలుస్తోంది. లోగోలో చిన్న‌పాటి జిమ్మిక్ చేస్తున్నారు కానీ గ్యాంగ్ లీడ‌ర్ అన్న‌దే టైటిల్ లో హైలైట్ గా క‌నిపిస్తుంద‌ట‌. అలా ఇత‌ర బ్యాన‌ర్ ఆరోప‌ణ‌ల‌కు నాని టీమ్ ఝ‌ల‌క్ ఇస్తున్నార‌ట‌. ఒక ర‌కంగా ఇది నాని మార్క్ ఝ‌ల‌క్ అన్న ముచ్చ‌టా సాగుతోంది.

అయితే దీనికి చాంబ‌ర్ ఏ ప్రాతిప‌దిక‌న అంగీక‌రిస్తుందో వేచి చూడాలి. ఇక‌పోతే గ్యాంగ్ లీడ‌ర్ అనే టైటిల్ పెట్టుకున్న వేరొక బ్యాన‌ర్ తో ఏ గొడ‌వా లేకుండా నాని- మైత్రి బృందం ఆర్థికంగానూ సెటిల్ చేసుకోనున్నార‌న్న ప్ర‌చారం ఉంది. ఒకే టైటిల్ గురించి రెండు బ్యాన‌ర్లు పోట్లాడితే తంటాలు ఎలా ఉంటాయో దీనిని బ‌ట్టి అర్థమ‌వుతోంది. ఇక గ్యాంగ్ లీడ‌ర్ అనేది మెగా బాస్ టైటిల్. ఆ టైటిల్ తో సినిమా చేస్తే రామ్ చ‌ర‌ణ్ చేయాలి కానీ.. ఇంకెవ‌రో చేయ‌డ‌మేంటి? అనే ఆందోళ‌న మెగాభిమానుల్లో ఉంది. ఈ టైటిల్ ని వేరొక‌రు ఉప‌యోగించుకోవ‌డంపై మెగా ఫ్యాన్స్ సోష‌ల్ మీడియాలో ఆందోళ‌న బాట ప‌ట్టారు. కానీ చివ‌రికి నాని ఈ టైటిల్ ని త‌న‌దైన శైలిలో లాక్ చేసిన‌ట్టేన‌ని అర్థ‌మ‌వుతోంది. కొంత మంది లేడీ గ్యాంగ్ తో నేచుర‌ల్ స్టార్ నాని చేసే ఆరాచ‌కాలేంటి?   వాటి నుంచి పుట్టుకొచ్చిన కామెడీ ఏంటి? అన్న నేప‌థ్యంలో పూర్తి వినోదాత్మ‌కంగా విక్ర‌మ్.కె.కుమార్ ఈ చిత్రాన్ని తెర‌కెక్కిస్తున్నారు. ఇటీవ‌లే రిలీజైన నాని గ్యాంగ్ లీడ‌ర్ టీజ‌ర్ ఆక‌ట్టుకుంది. అన్న‌ట్టు ఇంగ్లీషులో ఈ టైటిల్ ని నానీస్ గ్యాంగ్ లీడ‌ర్ (NANI's గ్యాంగ్ లీడ‌ర్) అని అంటారేమో! సాహో వ‌ల్ల ఆగ‌స్టు 30 నుంచి సెప్టెంబ‌ర్ 13కి నానీస్ గ్యాంగ్ లీడ‌ర్ ని వాయిదా వేశార‌ని ప్ర‌చార‌మ‌వుతోంది. దీనిపై అధికారికంగా మ‌రింత క్లారిటీ రావాల్సి ఉంది.