టికెట్ కౌంటర్: కొత్త సినిమాలు కళకళ

చాలా వారాల తర్వాత ఓ ఫెంటాస్టిక్ ఫీట్ టాలీవుడ్ లో సాధ్యమైంది. రిలీజ్ అయిన కొత్త సినిమాలు.. అప్పటికే థియేటర్లలో ఉన్నవాటికి మించి ఫేర్ చేశాయి.

1.జక్కన్న: సునీల్ నటించిన జక్కన్న ఓపెనింగ్స్ అదిరోపోయాయి. వీకెండ్స్ లో ఆడియన్స్ ఈ మూవీకి బాగానే కనెక్ట్ అయ్యారు. సింగిల్ స్క్రీన్లలో అయితే అదిరిపోయే ఓపెనింగ్స్ వచ్చాయి. ఓవర్సీస్ పెర్ఫామ్ చేయలేకపోయినా.. ఇక్కడ మాత్రం సునీల్ కి భారీ కలెక్షన్స్ వచ్చాయి. మరి ఇవి సోమవారం నుంచి నిలబడతాయో లేదో చూడాలి.

2.పెళ్లి చూపులు: చిన్న సినిమాగా వచ్చి సూపర్ హిట్ టాక్ తెచ్చుకున్న పెళ్లి చూపులు రోజురోజుకూ పుంజుకుంటోంది. అన్ని ఏరియాల నుంచి మంచి కలెక్షన్స్ వస్తున్నా.. తక్కువ థియేటర్లలో రిలీజ్ చేయడంతో ఫస్ట్ ప్లేస్ అందుకోలేకపోయింది. అటు ఓవర్సీస్ లో కూడా 250,000 కలెక్షన్స్ సాధించి.. హిట్ టాక్ తెచ్చేసుకుంది.

3. కబాలి: తొలి వీకెండ్ తర్వాత కబాలి కలెక్షన్స్ దారుణంగా పడిపోయాయి. రెండో వారాంతంలో కూడా చెప్పుకోదగ్గ పికప్ ఏమీ లేదు. రజినీకాంత్ కు ఇది హ్యాట్రిక్ ఫ్లాప్ గా ఇప్పటికే తేలిపోయింది.

4. డిషూమ్ : బాలీవుడ్ యాక్షన్ మూవీ డిషూమ్ కి మల్టీప్లెక్సుల్లో మంచి కలెక్షన్స్ వస్తున్నాయి. వీకెండ్స్ లో హౌజ్ ఫుల్స్ పడ్డంతో టాప్ 4కి వచ్చేసిందీ సినిమా

5.బిచ్చగాడు: 10వారాలు దాటినా ఇంకా చెప్పుకోదగినన్ని థియేటర్లలో ఉండడంతో.. బిచ్చగాడు బాక్సాఫీస్ ని రూల్ చేస్తూనే ఉన్నాడు. ఈ డబ్బింగ్ బొమ్మకి 100 రోజుల పోస్టర్ పడ్డం ఖాయమని ఇప్పటికే తేలిపోయింది.