హడావుడి చేసి చూడు!!

టాలీవుడ్ మాస్ మహారాజా రాజా ది గ్రేట్ సినిమాతో మళ్లీ ఫామ్ లోకి వచ్చిన సంగతి తెలిసిందే. రవితేజ కెరీర్ లో ఆ సినిమా ఒక మైల్ స్టోన్ గా నిలిచిపోతుందని ప్రత్యేకంగా చెప్పనక్కర్లేదు. భారీ డిజాస్టర్స్ తరువాత కెరీర్ క్లోజ్ అవుతోంది అనుకుంటున్నా సమయంలో ఏ మాత్రం ఆలోచించకుండా కళ్లు లేని వాడిగా నటించి అందరి మనసులను గెలుచుకున్నాడు. ఇక ఆ ఫామ్ ని అలాగే కొనసాగించాలని మాస్ రాజా ప్రస్తుతం సరికొత్త కథలను ఎంచుకుంటున్నాడు.

ఇక నుంచి తన టైప్ ఆఫ్ కామెడీ ఉండేలా డిఫెరెంట్ కథలను ఎంచుకుంటానని ఇటీవల చాలా ఇంటర్వ్యూలలో రవి తెలిపాడు.  రాబోయే టచ్ చేసి చూడు సినిమా కూడా అదే తరహాలో ఉంటుందని చెప్పాడు. అయితే ఆ సినిమా షూటింగ్ దాదాపు ఎండింగ్ కు వచ్చినా ఇంకా ఎలాంటి హడావుడి లేదు. రీసెంట్ గా ఒక పోస్టర్ ని మాత్రమే రిలీజ్ చేశారు. పోస్టర్ అంత కొత్తగా ఏమి లేదు. మాస్ రాజా గత చిత్రాలలో ఉన్న లుక్ మాదిరిగా ఉందనిపిస్తోంది.  

ఈ సినిమాలో రవితేజ పోలీస్ పాత్రలో కనిపిస్తాడట. సినిమా కథ కొత్తగా ఉంటుందని చిత్ర యూనిట్ చెబుతోంది. అలాగే ఫుల్ ఎంటర్టైన్మెంట్ కూడా ఉంటుందట. రచయిత విక్రమ్ సిరికొండ ఈ సినిమాను తెరకెక్కిస్తున్నాడు. ఇక నల్లమలుపు శ్రీనివాస్ - వల్లభనేని వంశీ నిర్మిస్తుండగా రాశి ఖన్నా - సీరత్ కపూర్ రవితేజకు జోడిగా నటిస్తున్నారు. మొదట జనవరిలోనే సినిమాను రిలీజ్ చేద్దామని అనుకున్నారు. కానీ పవన్ - బాలయ్య సినిమాల వేడి ఎక్కువగా ఉండడంతో వాయిదా వేశారు. త్వరలోనే టీజర్ ద్వారా రిలీజ్ డేట్ ని ఎనౌన్స్ చేసే ఆలోచనలో నిర్మాతలు ఉన్నారని టాక్. ఏదేమైనా పబ్లిసిటీ హడావుడి మొదలైతే కాని.. సినిమాలకు క్రేజ్ అనేది రాదు.