ట్రిపుల్ ఆర్ చ‌ల్ల‌బ‌డింది.. కేజీఎఫ్ హ‌డావిడి మొద‌లైంది

యావ‌త్ దేశం మొత్తం దాదాపు మూడున్న‌రేళ్లుగా ఎదురుచూసిన చిత్రం `ట్రిపుల్ ఆర్‌`. యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చ‌ర‌ణ్ క‌లిసి న‌టించారు. స్టార్ డైరెక్ట‌ర్ రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన ఈ మూవీ ఎప్పుడెప్పుడు థియేట‌ర్ల‌లోకి వ‌స్తుందా? అని అంతా ఎదురుచూశారు. మొత్తానికి ఆ స‌మ‌యం వ‌చ్చేసింది. ట్రిపుల్ ఆర్ థియేట‌ర్ల‌లో సంద‌డి చేస్తూ రికార్డుల మొత మోగించ‌డం మొద‌లుపెట్టింది. ఇప్ప‌టికే బాహుబ‌లి రికార్డుని క్రాస్ చేసిన ఈ మూవీ దేశ వ్యాప్తంగా సంచ‌ల‌నాలు సృష్టిస్తోంది.

ఇప్ప‌టికే దాదాపుగా వ‌ర‌ల్డ్ వైడ్ గా 600 కోట్లు క‌లెక్ట్ చేసింద‌ని, రానున్న రోజుల్లో ఈ ఫిగ‌ర్ మ‌రింత‌గా పెరిగే అవ‌కాశం వుంద‌ని, వ‌న్ వీక్ దాటినా ఇంఆక ట్రిపుల్ ఆర్ స్ట్రాంగ్ అవుతూ భారీ వ‌సూళ్ల‌ని రాబ‌డుతోంద‌ని ట్రేడ్ వ‌ర్గాలు చెబుతున్నాయి.

ఇదిలా వుంటే ఈ మూవీ త‌రువాత యావ‌త్ దేశం మొత్తం మ‌రో క్రేజీ సినిమా కోసం ఆస‌క్తిగా ఎదురుచూస్తోంది. అదే `కేజీఎఫ్ చాప్ట‌ర్ 2`. రాకింగ్ స్టార్ య‌ష్ న‌టించిన ఈ మూవీ ఏప్రిల్ 14న ప్ర‌పంచ వ్యాప్తంగా భారీ స్థాయిలో విడుద‌ల‌కు సిద్ధ‌మ‌వుతోంది.

ట్రిపుల్ ఆర్ మేనియా మ‌రో వారం ప‌ది రోజుల్లో చ‌ల్ల‌బ‌డ‌నున్న నేప‌థ్యంలో య‌ష్ `కేజీఎఫ్ చాప్ట‌ర్ 2` థీయేట‌ర్ల‌లో సంద‌డి రెడీ అవుతుండ‌టం ఆస‌క్తిక‌రంగా మారింది. గ‌త కొన్ని రోజులుగా ఈ మూవీ రిలీజ్ ద‌గ్గ‌ర‌ప‌డుతున్నా మేక‌ర్స్ ప్ర‌మోష‌న్స్ ప్రారంభించ‌డం లేద‌ని అభిమానులు కామెంట్ లు చేస్తున్న వేళ `తూఫాన్.. లిరిక‌ల్ వీడియోతో ప్రచార ఘ‌ట్టానికి తెర‌లేపారు. ఆ త‌రువాత ట్రైల‌ర్ రిలీజ్ ఈవెంట్ ని భారీగా నిక‌ర్వ‌హించ‌డంతో అభిమానుల్లో ఎక్క‌డ‌లేని ఉత్సాహం మొద‌లైంది.

స‌రిగ్గా సినిమా రిలీజ్ కు రెండు వారాలు  వున్న నేప‌థ్యంలో చిత్ర బృందం ప్ర‌చార ప‌ర్వాన్ని మ‌రింత‌గా హోరెత్తించ‌డంలో భాగంగా శుక్ర‌వారం ఢిల్లీలో మీడియా ప్ర‌మోష‌న్స్ ని ప్రారంభించారు.

ఈ ప్ర‌మోష‌న‌ల్ ప్రెస్ మీట్ లో హీరో య‌ష్ , హీరోయిన్ శ్రీ‌నిధి శెట్టి, ర‌వీనా టాండ‌న్‌, సంజ‌య్ ద‌త్, ఈ మూవీని హిందీలో రిలీజ్ చేస్తున్న ఎక్స్ ఎల్ ఎంటర్ టైన్ మెంట్స్ అధినేత  రితేష్ సిద్వానీ పాల్గొన్నారు. నేష‌న‌ల్ మీడియా అటెన్ష‌న్ తో ప్ర‌న‌మోష‌న్స్ కి కేజీఎఫ్ టీమ్ శ్రీ‌కారం చుట్ట‌డం విశేషం.