‘బిగ్ బాస్‌’ ఒక చెత్త షో.. నా కెరీర్ నాశ‌నమైందిః న‌టి

బిగ్ బాస్ షోకు ఎంత‌టి క్రేజ్ ఉందో అంద‌రికీ తెలిసిందే. కేవ‌లం తెలుగులోనే కాకుండా.. దేశ‌వ్యాప్తంగా పాపులారిటీని సంపాదించుకుంది ఈ రియాలిటీ షో. ఈ గేమ్ షోలో పాల్గొనే అవ‌కాశం కోసం ఎంతో మంది ఆతృతగా ఎదురు చూస్తుంటారు. త‌ద్వారా.. ఫుల్ ఫేమ్ సంపాదించుకోవాల‌ని ఆరాట‌ప‌డుతుంటారు. అయితే.. ఈ షోలో పార్టిసిపేట్ చేసిన ఓ న‌టి.. ‘బిగ్ బాస్‌’పై సంచలన వ్యాఖ్యలు చేసింది.

ప్రముఖ టీవీ నటి కవిత కౌశిక్ లేటెస్ట్ బిగ్ బాస్ సీజన్-14లో వైల్డ్ కార్డ్ ఎంట్రీ ద్వారా ప్ర‌వేశించింది. ఈ సీజ‌న్లో పాల్గొన‌డం ద్వారా.. త‌న కెరీర్ మొత్తం స్పాయిల్ అయిపోయింద‌ని ఆవేద‌న వ్య‌క్తంచేసింది. షో నుంచి బ‌య‌ట‌కు వ‌చ్చిన త‌ర్వాత కూడా ఈ కామెంట్ చేసిన క‌విత‌.. తాజాగా బిగ్ బాస్ అనేది ఒక ఫేక్ షో అంటూ సంచ‌ల‌న వ్యాఖ్య‌లు చేసింది.

‘బిగ్ బాస్ ద్వారా మీ కెరీర్ పాడైంద‌ని నేను భావిస్తున్నాను. మీరు అందులో పాల్గొన‌కుండా ఉండాల్సింది’ అని ఓ అభిమాని అన్న మాట‌ల‌కు ఆమె స్పందించారు. ‘ఈ ఫేక్ రియాలిటీ షో ద్వారా నాకు ఒరిగింది ఏమీలేదు. అయినా ఓసారి ఇమేజ్ పాడైందంటే ఇక, మ‌నం ఫ్రీగా ఉండొచ్చు.’ అని వ్యాఖ్యానించింది. వైల్డ్ కార్డ్ ద్వారా ఎంట్రీ ఇచ్చిన క‌విత‌.. హౌజ్ మేట్స్ తో గొడ‌వ‌ల‌తోనే వార్త‌ల్లో నిలిచింది. 14వ సీజ‌న్ విజేత రుబీనాతో పెద్ద గొడ‌వ త‌ర్వాత ఎలిమినేట్ అయ్యింది.

ఇక‌, తెలుగు బిగ్ బాస్ సీజ‌న్ గురించి చూస్తే.. ‘స్టార్ మా’ నిర్వ‌హిస్తున్న ఈ షో సక్సెస్ ఫుల్ గా రన్ అవుతోంది. ఐదో సీజ‌న్ కు ఏర్పాట్లు మొద‌లు పెట్టి చాలా కాల‌మే అయ్యింది. జూన్లో ప్రారంభించాల‌ని అనుకుంటున్నారు. కొంద‌రు కంటిస్టెంట్ల‌ను కూడా ఫైన‌ల్ చేసిన‌ట్టు వార్త‌లు వ‌చ్చాయి. మ‌రి, క‌రోనా విజృంభిస్తున్న నేప‌థ్యంలో ఎలాంటి నిర్ణ‌యం తీసుకుంటారో చూడాలి.