అల్లూరి ఉపాసనకు రాముడిగా కనిపిస్తున్నాడట

నేడు మెగా పవర్ స్టార్‌ రామ్‌ చరణ్‌ పుట్టిన రోజు అనే విషయం తెల్సిందే. ఈ సందర్బంగా ఆర్ఆర్‌ఆర్‌ చిత్రం నుండి చరణ్‌ పోషిస్తున్న అల్లూరి సీతారామరాజు పాత్రకు సంబంధించిన పోస్టర్‌ ను జక్కన్న విడుద లచేశాడు. ఇప్పటికే రెండు పోస్టర్‌ లను విడుదల చేసిన జక్కన్న తాజాగా విడుదల చేసిన పోస్టర్ తో సినిమా పై అంచనాలు మరింత భారీగా పెంచేశాడు. తాజా పోస్టర్ లో అల్లూరిగా చరణ్‌ అద్బుతంగా ఉన్నాడంటూ నెటిజన్స్‌ కామెంట్స్ చేస్తున్నాడు. నిజంగా అల్లూరి ఇలాగే ఉండేవాడా అన్నట్లుగా ఆ బాడీలాంగ్వేజ్ ఆ పౌరుషం ఉందంటూ నెట్టింట అభిమానులు తెగ కామెంట్స్‌ చేస్తూ ఉండగా చరణ్‌ భార్య ఉపాసన చేసిన కామెంట్స్ మరింత ఆసక్తిగా ఉన్నాయి.

ఈ పోస్టర్ లో రామ్‌ చరణ్‌ ను చూస్తుంటే తనకు శ్రీరాముడిని చూసినట్లుగా తనకు ఉందని పేర్కొంది. నిజంగా చాలా బాగుందంటూ ఉపాసన పేర్కొంది. ఉపాసన ఆ కామెంట్ తర్వాత ఎంతో మంది చరణ్ ను శ్రీరామ చంద్రుడిగా చూడాలని ఆశ పడుతున్నట్లుగా చెబుతున్నారు. ఈ పోస్టర్ లో చరణ్‌ కు కొందరు నీలవర్ణం వేసి మరీ శ్రీరాముడిగా చూపించే ప్రయత్నం చేస్తున్నారు. మొత్తానికి ఉపాసన చేసిన వ్యాఖ్యతో అల్లూరి పాత్ర కు మరింత హైప్ చేరింది. టాలీవుడ్‌ జక్కన్న రాజమౌళి గత మూడు ఏళ్లుగా చెక్కుతున్న ఆర్‌ఆర్‌ఆర్‌ సినిమా ఈ ఏడాది అక్టోబర్ లో విడుదల కాబోతున్న విషయం తెల్సిందే. ఆకాశమే హద్దు అన్నట్లుగా ఈ సినిమాపై అంచనాలు ఉన్నాయి. ఆ అంచనాలు మరింత పెరిగేలా ఒక్కో పోస్టర్‌ వస్తూనే ఉంది.