పవన్.. మరో క్రేజీ కాంబినేషన్

పవన్ కల్యాణ్ సినిమా మొదలవుతోందన్న మాట బయటికి వస్తే చాలు.. రకరకాల ఊహాగానాలు.. ఆసక్తికర రూమర్లు.. టాలీవుడ్ లో అలాఅలా చక్కర్లు కొట్టేస్తూ ఉంటాయి. ఇంక.. త్రివిక్రమ్ తో సినిమా చేసేస్తున్నాడని తెలియగానే.. ఇలాంటి వాటికి అంతే ఉండదు. ఇప్పుడు.. అలాంటి ఆసక్తికర వార్తే.. ఇండస్ట్రీలో రౌండ్ అవుతోంది. త్రివిక్రమ్ తో పవన్ చేయబోతున్న కొత్త సినిమాలో.. కాంబినేషన్లపై వస్తున్న వార్తలు.. జనంలో ఆసక్తిని పెంచుతున్నాయి.

చాలా రోజుల తర్వాత.. కన్నడ స్టార్ హీరో ఉపేంద్రను.. సన్ ఆఫ్ సత్యమూర్తి సినిమాతో టాలీవుడ్ స్క్రీన్ పై చూపించిన త్రివిక్రమ్.. ఇప్పుడు మరోసారి ఉపేంద్రకు మంచి కేరెక్టర్ డిజైన్ చేశారట. అది కూడా పవన్ సినిమాలో అత్యంత కీలక రోల్ కల్పిస్తున్నాడనీ.. ఈ కేరెక్టర్ విన్న ఉపేంద్ర ఇప్పటికే ఇంప్రెస్ అవడం.. నటిస్తానని మాటిచ్చేయడం కూడా జరిగిపోయాయనీ.. గాసిప్స్ గుప్పుమంటున్నాయి.

ఇంకా.. ఇదే సినిమాలో అత్తారింటికి దారేది సినిమాలో కీ రోల్ చేసిన బొమన్ ఇరానీతో పాటు.. హీరోయిన్లుగా కీర్తి సురేష్ - అనూ ఇమాన్యుయేల్ నటిస్తున్నారని దాదాపుగా కన్ఫమ్ అయ్యింది. ఇంకా.. సినిమాకు దేవుడే దిగి వచ్చినా.. అన్న టైటిల్ ప్రచారంలో ఉంది. కొలవెరి ఫేమ్ అనిరుద్.. మ్యూజిక్ అందించడం ఖాయమైపోయింది.

ఎస్.రాధాకృష్ణ నిర్మాణంలో తెరకెక్కనున్న ఈ సినిమా.. అనుకున్నట్టు అన్నీ కుదిరితే.. వచ్చే ఏడాది స్వాతంత్ర్య దినోత్సవానికి థియేటర్లలో సందడి చేయనున్నట్టు తెలుస్తోంది. జనవరి నుంచి రెగ్యులర్ షూటింగ్ మొదలు కానున్న సినిమాలో.. పవన్ పార్ట్ ఫిబ్రవరి నుంచి షూట్ అవుతుందని యూనిట్ వర్గాలు చెబుతున్నాయి.

Like Us on Facebook : https://www.facebook.com/Tupakidotcom/