వెంకీ ప్రాజెక్ట్ ఆగినట్లేనా?

టాలీవుడ్ లో ప్రస్తుతం ఉన్న సీనియర్ హీరోలలో వెంకటేష్ ఎక్కువగా తడబడుతోన్న సంగతి తెలిసిందే. ఒకప్పుడు వరుసగా సినిమాలు తీసే వెంకటేష్ ఇప్పుడు చాలా గ్యాప్ తీసుకుంటున్నాడు. ఆలస్యంగా చేసినా కూడా సరైన హిట్ అందకపోవడంతో స్టార్ దర్శకులు కూడా అతనితో కలవడం లేదు. అయితే కొన్ని రోజుల క్రితం తేజతో ఒక సినిమా స్టార్ట్ చేశాడు. అంతా సవ్యంగానే సాగుతోంది అనుకుంటున్నా సమయంలో ఈ సినిమాపై కొత్త రూమర్లు వినిపిస్తున్నాయి.

ఆ సినిమా మొదలు పెట్టినట్లే హడావుడి చేసి వెంటనే ఎన్టీఆర్ బయోపిక్ కి షిఫ్ట్ అయిపోయాడు.  వెంకీ సినిమా ఇప్పుడు మధ్యలోనే ఆగిపోయిందని టాక్ వస్తోంది. అందుకు కారణం బాలయ్య మొండిపట్టు అని సమాచారం. ఎన్టీఆర్ బయోపిక్ నెక్స్ట్ ఎలక్షన్స్ లోపు రిలీజ్ కావాలని బాలకృష్ణ పట్టుబట్టిన సంగతి తెలిసిందే. అసలైతే తేజ ముందుగా వెంకటేష్  ప్రాజెక్ట్ ని ఫినిష్ చేయాలనీ అనుకున్నాడు. కానీ బాలయ్య ఎన్టీఆర్ బయోపిక్ స్క్రిప్ట్ పనులను త్వరగా ఫినిష్ చేసి తేజని పిలిచేశాడు. సినిమా అనుకున్న సమయానికి ఫినిష్ చేయాలని చెప్పడంతో తేజ వెంకీ ప్రాజెక్ట్ ని వెయిటింగ్ లిస్ట్ లో పెట్టేశాడని రూమర్లు వినిపిస్తున్నాయి. ఇది నిజమేనా?

అబ్బే కాదట. హీరోయిన్ శ్రీయ కారణంగా ఈ సినిమా లేటైందేమోగాని.. ఆగిపోలేదట. ఈ నెల 23 నుండి ఈ సినిమా షూటింగ్ మొదలెడుతున్నట్లు తెలుస్తోంది. ఇప్పటికే ఆటా నాదే వేట నాదే అనే టైటిల్ సమకూర్చుకుని.. కొన్ని ఫోటోషూట్లు కూడా చేశాక.. సినిమాను ఆపే ప్రసక్తే లేదు అంటున్నారు యునిట్ సభ్యులు.