అప్పుడే సెటైర్లా ఇజియా?

అర్జున్ రెడ్డి లాంటి పాత్ బ్రేకింగ్ సినిమాతో హీరో విజయ్ దేవరకొండ యూత్ కు బాగానే కనెక్టయ్యాడు. ఈ సినిమా తరవాత అతడికి సినిమాలతో పాటు యాడ్స్ లోనూ అవకాశాలు పుష్కలంగా వస్తున్నాయి. సోషల్ మీడియాలో విజయ్ దేవరకొండ యాక్టివ్ గానే ఉంటాడు. ఇప్పటికైతే అతడి అభిమానులు అర్జున్ రెడ్డికి సంబంధించిన ఏదో లింక్ తో పలకరిస్తూనే ఉంటారు.

తాజాగా ఓ అభిమాని విజయ్ దేవరకొండ అనిపించే విధంగా ఖాళీ బీరు బాటిళ్లన్నింటినీ చక్కగా పేర్చాడు. ఈ ఫొటోను విజయ్ దేవరకొండ తన ట్విట్టర్ టైమ్ లైన్ లో షేర్ చేశాడు. దీంతోపాటు అతడికో బీర్ అరేంజ్ చేయాలంటూ చిన్న సెటైరేస్తూ పొగిడాడు. ఇంతవరకు బాగానే ఉన్నా యూత్ లో తనకున్న అభిమానాన్ని ఇంకా పెంచేలా.. కాదంటే నిలబెట్టుకునే రేంజిలో విజయ్ దేవరకొండ సినిమాలు రావాల్సి ఉంటుంది. అప్పుడు ఇలాంటి సెటైర్లు ఎన్ని వేసినా విలువ ఉంటుంది. ఎందుకంటే అన్ని సినిమాలు అర్జున్ రెడ్డిలా సైలెంట్ హిట్లు అవుతాయనుకోవడం అత్యాశే అవుతుంది ఈజియా!!.

ప్రస్తుతం విజయ్ దేవరకొండ గీతా ఆర్ట్స్ బ్యానర్ లో పరశురామ్ డైరెక్షన్ లో ఓ లవ్ స్టోరీ చేస్తున్నాడు. హీరోయిన్ గా కొత్త అందం 'ఛలో' బ్యూటి రష్మిక నటిస్తోంది. దీంతోపాటు సావిత్రి జీవితగాథతో తెరకెక్కిస్తున్న మహానటి సినిమాలో అక్కినేని నాగేశ్వరరావు పాత్ర చేస్తున్నాడు.