లాల్ కి విశాల్ విలనిజం చూపిస్తాడట

విభిన్నంగా సినిమాలు తీయాలంటే మలయాళ ఇండస్ట్రీలోనే సాధ్యం అనే మాట ఎప్పటినుంచో వినిపిస్తూనే ఉంది. అలాగే విభిన్నమైన కేరక్టర్స్ చేసి మెప్పించాలంటే.. కోలీవుడ్ హీరోలు ముందుంటారని కూడా టాక్ ఉంది. ఈ రెండు వ్యాఖ్యానాలను నిజం చేస్తూ.. ఇప్పుడో కొత్త మూవీ స్టార్ట్ అయింది.

ఉన్నికృష్ణన్ దర్శకత్వంలో మోహన్ లాల్ హీరోగా కొత్త ప్రాజెక్టును అనౌన్స్ చేశారు. ఇందులో విలన్ గా తమిళ స్టార్ హీరో విశాల్ చేయనున్నాడనే విషయం లీక్ అవడం అందరికీ షాక్ కొట్టించేసింది. హీరోగా స్టార్ స్టేటస్ అనుభవిస్తూ.. టాప్ హీరోల్లో  వెలిగిపోతున్న సమయంలో విలన్ పాత్రను అంగీకరించడం అంటే సామాన్య విషయం కాదు. అయితే.. ఈ స్క్రిప్ట్ విపరీతంగా నచ్చేయడంతో పాటు.. మూవీలో విలన్ పాత్రకు ఉన్న ఇంపార్టెన్స్.. పెర్ఫామెన్స్ ఎక్కువగా అవకాశం ఉండడంతో.. ఈ పాత్రను వదులుకోకూడదని ఫిక్స్ అయ్యాడట విశాల్.

అందుకే.. స్క్రిప్ట్ వినగానే సై అనేశాడని తెలుస్తోంది. ఏకంగా సూపర్ స్టార్ మోహన్ లాల్ కి విలన్ గా నటించే అవకాశాన్ని వదులుకోకూడదనే రీజన్ కూడా ఉందట. ఇక ఇదే సినిమాలో టాలీవుడ్ హీరో శ్రీకాంత్ ఓ కీలక పాత్ర చేస్తుండడం విశేషం.

Like Us on Facebook : https://www.facebook.com/Tupakidotcom/